හිටපු අග්‍රාමාත්‍ය මහින්ද රාජපක්ෂ මහතාට එරෙහිව නාවලපිටිය නගරයේදී විරෝධතාවක නිරත වී සිටියදී පොලිසිය විසින් අත් අඩංගුවට ගත් සමගි ජන බලවේගයේ නාවලපිටිය ආසන සංවිධායක සසංක සම්පත් සංජීව මහතා ඇතුළු 15 දෙනා ඇප මත මුදාහැර තිබේ.
ඒ, ඊයේ (16) සවස ඔවුන්ව නාවලපිටිය මහේස්ත්‍රාත් නිලන්ත විමලරත්න මහතා හමුවට ඉදිරිපත් කළ අවස්ථාවේදී ය. ඔවුන්ව පොලිසිය විසින් මහේස්ත්‍රාත් නිල නිවස කරා රැගෙන ගොස් මහේස්ත්‍රාත්වරයා හමුවට ඉදිරිපත් කර තිබිණි.
එහිදී එක් අයකුට රුපියල් ලක්ෂය බැගින් වූ ශරීර ඇප මත ඔවුන්ව මුදාහැරීමට නියම කළ මහේස්ත්‍රාත්වරයා ඔවුන්ට දෙසැම්බර් 13 වනදා අධිකරණය හමුවේ පෙනී සිටින ලෙසත් නියෝග කළේය.
RN
