සටහන – රුවන් නෙළුගොල්ල
මධ්යම අපරාධ විමර්ශන කාර්යාංශය (CCIB) විසින් අත් අඩංගුවට ගෙන සිටි සමගි ඒකාබද්ධ වෘත්තීය සමිති සන්ධානයේ කැඳවුම්කරු ආනන්ද පාලිත මහතා ලබන 25 වනදා දක්වා රක්ෂිත බන්ධනාගාරගත කර තිබේ.
ඒ, ඔහුව අද (17) කොළඹ අතිරේක මහේස්ත්රාත් ලියාන් වරුෂවිතාන මහතා හමුවට ඉදිරිපත් කිරීමෙන් අනතුරුව ය.
2015 – 2019 කාලසීමාව තුළ ලංකා ඛනිජ තෙල් නීතිගත සංස්ථාවේ රුපියල් 3,111,000ක අතිකාල දීමනා වංචාවක් සම්බන්ධයෙන් සිදුකරන විමර්ශනයකට අදාළව ආනන්ද පාලිත මහතාව CCIBය විසින් ඊයේ (16) පස්වරුවේ අත්අඩංගුවට ගෙන තිබිණි.


