රත්නපුර දිස්ත්‍රික්කයේ කොලොන්න කෝරළේ විවිධ සේවා සමූපකාර සමිතියේ නිලවරණයන් විශිෂ්ඨ ජයග්‍රහණයක් අත්පත් කරගැනීමට සමගි ජන බලවේගය සමත්ව තිබේ.
එම සමූපකාර සමිතියේ නිලවරණය ඊයේ (21) දිනයේදී පැවැත්වී තිබුණු අතර එහි සභික ධුර 119න් 115ක්ම ජයග්‍රහණය කිරීමට සමගි ජන බලවේගයට හැකිවී ඇත. වෙනත් පාර්ශ්වයන්ට දිනාගැනීමට හැකිවී ඇත්තේ සභික ධුර 04ක් පමණි.
ශ්‍රී ලංකා නිදහස් පක්ෂයේ සහ ශ්‍රී ලංකා පොදුජන පෙරමුණේ බලකොටුවක් ලෙස සැලකෙන කොලොන්න ආසනයේ සමූපකාර නිලවරණයකින් එම කඳවුරට බලය අහිමි වන්නේ වසර 35කට පසුව ය.
මෙතෙක් දිවයින පුරා විවිධ ප්‍රදේශවල පැවති සමූපකාර නිලවරණවලින් 98%ක් පමණම ජයග්‍රහණය කර ඇත්තේ සමගි ජන බලවේගය විසිනි. රට තුළ රැල්ල පවතින්නේ කවුරුන්ටද යන්න මෙයින් මනාව පෙන්නුම් කෙරේ.
RN
