පාසල් දරුවන්ට පාර්ලිමේන්තු විවාද නැරඹීමට අවස්ථාව ලබා දීම සඳහා පාර්ලිමේන්තු වේත්‍රධාරී නරේන්ද්‍ර ප්‍රනාන්දු මහතා විසින් පාර්ලිමේන්තු කටයුතු පිළිබඳ කමිටුවට ඉදිරිපත් කළ යෝජනාව ඉකුත් 21 වන දින සම්මත වී තිබේ.
ඒ අනුව, පාර්ලිමේන්තු සැසිවාර පැවැත්වෙන දින වල පාර්ලිමේන්තු පැමිණ ගැලරියේ සිට එම පාර්ලිමේන්තු විවාද සජීවීව නැරඹීමට පාසල් දරු දැරියන්ට අවස්ථාව හිමිවෙනු ඇත.
ඉකුත් කාලසීමාවේ පැවති කොවිඩ් වසංගත තත්ත්වය සහ ආරක්ෂක හේතු මත පාර්ලිමේන්තුව නැරඹීම සඳහා පැමිණීම සීමා කර තිබූ අතර, මෙම සීමා ඉකුත් සැප්තැම්බර් 20 වන දින ලිහිල් කෙරිණි. කෙසේවෙතත්, පාර්ලිමේන්තු සැසිවාර පැවැත්වූ දිනයන් වල පාර්ලිමේන්තුව නැරඹීමට අවස්ථාවක් ලබා දී තිබුණේ නැත.
ඉහත තීරණය අනුව, පාසල් බලධාරීන්ට 0112777473 / 0112777335 යන ෆැක්ස් අංක හරහා හෝ පාර්ලිමේන්තු නිල වෙබ් අඩවිය වන www.parliament.lk හරහා වේත්‍රධාරී වෙත ලිපියක් යොමුකරමින් මේ සඳහා අයදුම් කළ හැකිය.
MIAP
