හිටපු අග්‍රාමාත්‍ය මහින්ද රාජපක්ෂ මහතාගේ 77 වැනි උපන් දිනය අදට (18) යෙදී තිබේ.
1945 නොවැම්බර් 18 වනදා උපත ලද ඒ මහතා 1970 සිට දශක පහක් තිස්සේ මෙරට දේශපාලනයෙහි නිරත වී සිටින අතර දෙවතාවක් විධායක ජනාධිපතිවරයා වශයෙනුත් සිව්වතාවක් අග්‍රාමාත්‍යවරයා වශයෙනුත් පත්වී ඇත.
ශ්‍රී ලංකා පොදුජන පෙරමුණේ නායකයා වන ඒ මහතගේ උපන් දිනය වෙනුවෙන් එම පක්ෂයේ ක්‍රියාකාරීන් පිරිසක් අද දිනයේදී ඒ මහතාට සුබපැතුම් රැගෙන තංගල්ල, කාල්ටන් නිවස වෙත යාමට සංවිධානය වී ඇති බව සඳහන්.
එසේම ඒ මහතාගේ උපන් දිනය වෙනුවෙන් අද උදෑසන නාරාහේන්පිට අභයාරාමයේදී කිරි අම්මාවරුන්ගේ දානයක් පැවැත්වෙන අතර අද පස්වරුවේ තංගල්ල නගර සභාවේදී ජය පිරිත් දේශනයක් ද පැවැත්වීමට නියමිත ය.
RN
