ජනශක්ති සමාගමේ අධ්යක්ෂවරයෙක් වූ දිනේෂ් ෂාෆ්ටර් මහතාගේ අභිරහස් ඝාතනය සම්බන්ධයෙන් විමර්ශන පවත්වන අපරාධ පරීක්ෂණ දෙපාර්තමේන්තුව ඔහුගේ බිරියගේ මවගෙන් ඊයේ (27) දීර්ඝ ලෙස ප්රශ්න කරමින් ප්රකාශයක් සටහන් කරගෙන තිබේ.
ඊට අමතරව දිනේෂ් ෂාෆ්ටර් මහතාගේ බිරිගෙන් ද සිව් වැනි වතාවටත් ඊයේ ප්රශ්න කර ඇති බව අපරාධ පරීක්ෂණ දෙපාර්තමේන්තුවේ මිනිස් ඝාතන හා සංවිධානාත්මක අපරාධ විමර්ශන කොට්ඨාසයේ තොරතුරු අනාවරණය කළේය.
බිරියගේ මවගෙන් ප්රශ්න කිරීමට ලක්ව ඇත්තේ දිනේෂ් ෂාෆ්ටර් මහතා විසින් ඇයට යොමු කළේ යැයි කියනු ලබන දුරකථන පණිවුඩයක් ගැන සහ ඇයට යොමු කළේ යැයි කියනු ලබන ලියැවිල්ලක් සම්බන්ධයෙනි. ඊට අමතරව තවත් බොහෝ කරුණු ගැන දීර්ඝ ලෙස ඇගෙන් ප්රශ්න කර ඇති බව සඳහන්ය.
දිනේෂ් ෂාෆ්ටර් මහතාගේ බිරිය ටානි ශමින්ගෙන් අපරාධ පරීක්ෂණ දෙපාර්තමේන්තුව දීර්ඝ ලෙස නැවත ප්රශ්න කර ඇත්තේ දිනේෂ් ෂාෆ්ටර් මහතාගේ අබිරහස් ඝාතනය සම්බන්ධයෙන් මේ වන විට මතුවී ඇති කරුණු නිරාකරණය කර ගැනීමට සහ දෙදෙනා යම් ආරවුල් සහ ගැටලුකාරී තත්ත්වයන් තිබුණේ දැයි දැන ගැනීමටය. ඒ හැරුණු කොට ව්යාපාරික ගනු-දෙනු සහ වෙනත් සිදුවීම් රැසක් ගැන ද ප්රශ්න කිරීම් හමුවේ සිය අවධානය අපරාධ පරීක්ෂණ දෙපාර්තමේන්තුවේ නිලධාරීන් යොමුකර තිබෙන බව ආරංචි මාර්ග අනාවරණය කළේය.
රෂිකා හෙන්නායක
