විශ්වවිද්‍යාල සිසු සිසුවියන් තුන් දෙනෙක් එක්ව එක බත් පැකට් එකක් කා සෑහීමකට පත්වන බව ජාතික ජන බලවේගයේ පාර්ලිමේන්තු මන්ත්‍රීනී ආචාර්ය හරිනි අමරසූරිය මහත්මිය පාර්ලිමේන්තුවේ දී පැවසුවාය.
ගමන් වියදම් හොස්ටල් ප්‍රශ්න ආදී ආර්ථික ප්‍රශ්න නිසා බොහෝ සිසු සිසුවියන් විශ්ව විද්‍යාලවලට නෑවිත් ගෙවල් වල ම සිටින තත්ත්වයක් ඇති වී තිබෙන බව කී අමරසූරිය මහත්මිය රටට නායකත්වය දෙන්න ඉන්න පරපුරක් මෙවැනි තත්ත්වයකට පත් වීම කනගාටුදායක බවද පැවසීය.
මෙවැනි තත්ත්වයන් වල ප්‍රතිඵල භුක්ති විදින්නට සිදු වන්නේ වසර කිහිපයක් ගිය පසුව බව පැවසූ හරිනි අමරසූරිය මහත්මිය, මන්දපෝෂණ ප්‍රශ්නයට මුහුණ දීමේදී තෝරාගත් පිරිසකට පමණක් නොව මීට වඩා සැලසුම් සහගත ලෙස රජය ඊට මැදිහත් විය යුතුව තිබෙන බවද කීවාය.
රෂිකා හෙන්නායක
