අද (10) දිනයේදී විශ්‍රාම වැටුප් ලබාගැනීම සඳහා පැමිණි වැඩිහිටියන් බැංකු අසල පෝලිම්වල රැඳී සිටින ආකාරය ප්‍රදේශ රැසකදී දැකගැනීමට හැකිවිය.
බැංකු නිලධාරීන් ඔවුන්ට දැනුම් දී ඇත්තේ විශ්‍රාම වැටුප් මුදල් තවමත් බැංකු ගිණුම්වලට ලැබී නොමැති බවයි.
ඒ අනුව විශ්‍රාමිකයින් බලාපොරොත්තු සුන්ව බැංකු අසල පෝලිම්වල රැඳී සිටින බවයි අප වාර්තාකරුවන් සඳහන් කළේ.
මහාභාණ්ඩාගාරය දරුණු මූල්‍ය අර්බුදයකට මුහුණ පා සිටින අතර රාජ්‍ය සේවකයින්ගේ ජනවාරි මස වැටුප් ගෙවීම දැඩි ලෙස අර්බුදකාරී වී ඇති බවත් සමෘද්ධි සහනාධාර ලබාදීම සතියකින් හෝ දෙකකින් ප්‍රමාද වනු ඇති බවත් අද පෙරවරුවේදී කැබිනට් ප්‍රකාශක, අමාත්‍ය බන්දුල ගුණවර්ධන මහතා ප්‍රකාශ කර තිබිණි.
RN
