ඉදිරි පළාත් පාලන මැතිවරණය සඳහා තරග කිරීමට එක්සත් මහජන පක්ෂය (UPP) තීරණය කර ඇති බව එම පක්ෂයේ මාධ්‍ය සම්බන්ධීකාරක චමින්ද ගුණසිංහ පවසයි.
එක්සත් මහජන පක්ෂයේ මහලේකම්වරයා වන්නේ මහජන ආරක්ෂක අමාත්‍ය ටිරාන් අලස් මහතා ය. එම පක්ෂයේ ඡන්ද ලකුණ වන්නේ ජංගම දුරකථනය යි.
උතුරු නැගෙනහිර ඇතුළුව මුළු දිවයිනම ආවරණය වන පරිදි පළාත් පාලන ආයතන ගණනාවක් සඳහා තම පක්ෂය තරග වදින බවත් ජනප්‍රිය දේශපාලන ක්‍රියාකාරිකයින් සහ සමාජ ක්‍රියාකාරිකයින් රැසක් තම පක්ෂයෙන් මෙවර ඉදිරිපත් වීමට දැනටමත් කැමැත්ත පළකර ඇති බවත් එක්සත් මහජන පක්ෂයේ මාධ්‍ය සම්බන්ධීකාරක චමින්ද ගුණසිංහ සඳහන් කළේය.
එසේම අපේක්ෂකයින්ගේ අයදුම්පත් භාරගැනීම සහ සම්මුඛ පරීක්ෂණ පැවැත්වීම මේ වනවිට ආරම්භ කර ඇති බවත් ඔහු වැඩිදුරටත් ප්‍රකාශ කළේය.
අපේක්ෂක අයදුම්පත සඳහා මෙතැනින් සම්බන්ධ විය හැකිය.
RN
