1. ඉදිරි වසර කිහිපය තුළ ආණ්ඩුක්‍රම ව්‍යවස්ථාවේ 13වන සංශෝධනය සම්පූර්ණයෙන්ම ක්‍රියාත්මක කිරීමට බලාපොරොත්තු වන බව ජනපති රනිල් වික්‍රමසිංහ පවසයි – සියලු ජනකොටස්වලට අයත් ජනතාවගේ ප්‍රශ්න විසඳමින් සියලුදෙනා එකට ජීවත්වන රටක් ගොඩනැඟීම වෙනුවෙන් සමාජ සාධාරණත්ව කොමසමක් ස්ථාපිත කිරීමට කටයුතු කරන බව ද පවසයි.
2. යාපනයේ විරෝධතා පැවැත්වූ අයවලුන් ඔවුන්ගේ අතුරුදහන් වූවන් පිළිබඳ තොරතුරු මෙන්ම ඔවුන් ආපසු සොයා දෙන ලෙස ද යාපනයේ පැවති තෛපොංගල් උත්සවයට සහභාගී වූ ජනපති රනිල් වික්‍රමසිංහගෙන් ඉල්ලා සිටී.
3. පාස්කු ඉරිදා ප්‍රහාරයේ වින්දිතයන්ට රුපියල් මිලියන 100 ක වන්දියක් ගෙවන ලෙස ශ්‍රේෂ්ඨාධිකරණය විසින් ලබා දුන් තීන්දුව‍ෙ හිටපු ජනාධිපති මෛත්‍රීපාල සිරිසේන ප්‍රතිචාර දක්වයි – අධිකරණයේ තීන්දුවට ගරු කරන බව පවසන හිටපු ජනාධිපතිවරයා, මේ සඳහා පිටකොටුවේ බෝධිය ඉදිරිපිට පාත්‍රයක් ද අතැතිව සිට මුදල් එකතු කර ගැනීමට හැකි දැයි ඔහු තම මිතුරන්ගෙන් විමසූ බව ද පවසයි.
4. සති අන්ත විශේෂ සංචාරක දුම්රිය සේවාවක් වන ‘සීතාවක ඔඩිසි’, සංචාරක ව්‍යාපාරය නංවාලීම සඳහා දුම්රිය මෙහෙයුම් පද්ධතිය සඳහා එක්කරයි – එය කොළඹ කොටුවේ සිට කැලණි වැල්ල දුම්රිය මාර්ගයේ වග දුම්රිය ස්ථානය දක්වා ගමන් කිරිමට නියමිතය.
5. චැඩ්, සැම්බියාව, ශ්‍රී ලංකාව සහ සුරිනාම් වැනි රටවල ණය නිරාකරණය පිළිබඳ ජාත්‍යන්තර මූල්‍ය අරමුදලේ කළමනාකාර අධ්‍යක්ෂිකා ක්‍රිස්ටලිනා ජෝර්ජිවා (Kristalina Georgieva) විසින් වටමේස සාකච්ඡාවක් පවත්වයි – චීන සන්දර්භය තුළ “නව කප්පාදුවක් සිදුකිරීම” (haircut) දේශපාලනිකව ඉතා දුෂ්කර බව පවසයි – කල්පිරීම, පොලී අනුපාත අඩු කිරීම හෝ ඉවත් කිරීම සහ ගෙවීම් මගින් එම අරමුණ කරා ළඟා වීමට මාර්ගයක් තිබිය හැකි බව ද පවසයි.
6. ශ්‍රී ලංකාවේ හිටපු ජනාධිපතිවරුන් වන මහින්ද රාජපක්ෂ සහ ගෝඨාභය රාජපක්ෂ ට එරෙහිව යුද අපරාධ චෝදනා සම්බන්ධයෙන් සම්බාධක පැනවූ කැනඩාව ආදර්ශයට ගන්නා ලෙස ග්ලෝබල් ටැමිල් ෆෝරම් (GTF) ඉන්දියාව, එක්සත් ජනපදය, යුරෝපා සංගමය, එක්සත් රාජධානිය, දකුණු අප්‍රිකාව, සිංගප්පූරුව, මැලේසියාව, මොරිෂස්, ඔස්ට්‍රේලියාව සහ නවසීලන්තය යන රටවලින් ඉල්ලා සිටී.
7. නීති විරෝධී ලෙස ප්‍රංශයේ රියුනියන් දූපතට (Réunion Island) සංක්‍රමණය වීමට උත්සාහ දරා අත්අඩංගුවට පත් ශ්‍රී ලාංකිකයන් 46 දෙනෙකු නැවත ශ්‍රී ලංකාව බලා පිටත් කරයි.
8. ඉදිරියේ දී පැවැත්වීමට නියමිත පළාත් පාලන මැතිවරණයට එරෙහිව මහජන මතය හැරවීමේ මාධ්‍ය මෙහෙයුමක් ජනාධිපති ලේකම් කාර්යාලය විසින් දියත් කර ඇති බව ජාතික ජන බලවේගයේ සහ ජනතා විමුක්ති පෙරමුණේ නායක පා.ම. අනුර කුමාර දිසානායක පවසයි – මෙම ප්‍රචාරක ව්‍යාපාරය ක්‍රියාත්මක කිරීම සඳහා මිල දී ගත හැකි මාධ්‍යවේදීන්ගේ නම් ඇතුළත් ලේඛනයක් තමා සතුව ඇති බව ද පවසයි.
9. අඩු පෝෂණ මට්ටම් සහ ඇතැම් පළිබෝධකයන් නිසා වී වගාව තුළ හටගත් විනාශකාරී උවදුරක් දිවයිනේ දිස්ත්‍රික්ක 25ටම ව්‍යාප්ත වී ඇති බව කෘෂිකර්ම අමාත්‍ය මහින්ද අමරවීර ප්‍රකාශ කරයි – මෙම උවදුර තවමත් කුඩා පරිමාණයේ පවතින බැවින් මේ වන විට ව්‍යාප්තියේ සැලකිය යුතු තර්ජනයක් නොමැති බව ද පවසයි – අදාළ නිලධාරීන් තත්ත්වය තක්සේරු කරමින් සිටින බව ද පවසයි.
10. ශ්‍රී ලංකාවට එරෙහිව තෙවැනි ක්‍රිකට් එක්දින තරගයෙන් ශ්‍රී ලංකාව ලකුණු 317කින් පරාජය කරමින් තරඟාවලිය 3-0 ලෙස ජයග්‍රහණය කිරීමට ඉන්දියාව සමත් වෙයි – ඉන්දියාව – 390/5 (50); ශ්‍රී ලංකාව – සියලු දෙනා දැවී 73 (22) – ශ්‍රී ලංකාව ලැබූ මෙම ලකුණු 317 පරාජය ජාත්‍යන්තර එක්දින ක්‍රිකට් ඉතිහාසයේ මෙතෙක් වාර්තා වූ විශාලතම පරාජයයි.
