ජර්මනියේ ලුට්සෙරාත් ගම්මානයේ ගල් අඟුරු ආකරයක් ව්‍යාප්ත කිරීමට එරෙහිව දේශගුණික ක්‍රියාකාරීන් 35,000ක් පමණ දෙනා විසින් ගෙන යන ලද විරෝධතාවය ජර්මන් පොලිස් නිලධාරීන් ජල ප්‍රහාර සහ බැටන් පොලු භාවිතා කරමින් මර්දනය කර ඇති බව වාර්තා වේ.
දෙපාර්ශවය අතර ඊයේ(15)දින සිදුවූ ගැටුම් හේතුවෙන් තුවාල ලැබූ දේශගුණික ක්‍රියාකාරීන් 20 දෙනෙකු පමණ රෝහල්ගත කර ඇත.
බලශක්ති සමාගමක් වන RWE ආයතනය මඟින් මෙම ගල් අඟුරු කැණීම ආරම්භ කර ඇති අතර, ඊට විරෝධතාවය දක්වන ක්‍රියාකාරීන් පවසන්නේ ගල් අඟුරු දහනය කිරීමෙන් හරිතාගාර වායු විමෝචනය අඩු කිරීමට ජර්මනිය දරන උත්සාහය අඩාල වන බවයි.
කෙසේ නමුත් ගාර්ස්වීලර් ලිග්නයිට් පතල විසින් ගිල ගන්නා අවසාන ගම්මානය ලුට්සෙරාත් වනු ඇතැයි අපේක්ෂා කෙරේ.
සශිකලා මධුෂාණී_
