ඉදිරි පළාත් පාලන මැතිවරණයට තරග වදින ඡන්ද ලකුණ සම්බන්ධයෙන් ශ්‍රී ලංකා නිදහස් පක්ෂය තීරණ කිහිපයක් ගෙන ඇති බව වාර්තා වේ.
ඒ අනුව උතුරු සහ නැගෙනහිර පළාත්වල දිස්ත්‍රික්කවල සහ පොලොන්නරුව දිස්ත්‍රික්කයේ පළාත් පාලන ආයතන සඳහා “අත” ලකුණින් පමණක් තරග වැදීමට එම පක්ෂය තීරණය කර තිබේ.
එමෙන්ම කොළඹ, පුත්තලම, කුරුණෑගල, මොණරාගල සහ හම්බන්තොට යන දිස්ත්‍රික්කවල පළාත් පාලන ආයතන සඳහා “හෙලිකොප්ටරය” ලකුණින් යුත් සන්ධානය හරහා ඉදිරිපත් වීමට ද එම පක්ෂය තීරණය කර ඇත.
මීට අමතරව සෙසු දිස්ත්‍රික්කවලදී අත ලකුණ සහ හෙලිකොප්ටරය ලකුණ යන දෙකම භාවිතා කරමින් මැතිවරණයට ඉදිරිපත් වීම සම්බන්ධයෙන් ඔවුන් සාකච්ඡා කරමින් පවතින බවත් ආරංචිමාර්ග සඳහන් කළේය.
RN
