කෘෂිකර්ම අමාත්‍ය මහින්ද අමරවීර මහතා පවසන්නේ 2022/23 මහ කන්නයේ කාබනික පොහොර මිල දී ගැනීම සඳහා රජය රුපියල් මිලියන 16,000ක් වෙන් කරන ඇති බවයි.
රටේ ආර්ථික අර්බුදයක් පවතින අවස්ථාවක වුවත් කාබනික පොහොර මිල දී ගැනීම සඳහා අමාත්‍ය මණ්ඩලයේ දී තමන් ඉදිරිපත් කළ යෝජනාවට ජනාධිපති රනිල් වික්‍රමසිංහ මහතා සම්පූර්ණ සහයෝගය පළ කළ බව අමාත්‍යවරයා කියයි.
මහ කන්නය සාර්ථක කර ගැනීම සඳහා ගොවීන්ට දිය හැකි හැම සහනයක්ම දීමට රජය කටයුතු කර ඇතැයි ද කී අමාත්‍යවරයා කෘෂිකර්ම පර්යේෂණ හා නිෂ්පාදන සහකාරවරුන්ගේ ගැටළු සම්බන්ධව එම වෘත්තිය සමිති නියෝජිතයින් සමඟ පැවති සාකච්ඡාවක්ද පැවැත්වීය.
රෂිකා හෙන්නායක
