මේ රටේ ජනතාව රටේ සෞඛ්‍ය පද්ධතිය දියුණු කරන්න යැයි ඉල්ලා සිටින්නේත්, අධ්‍යාපන පද්ධතිය නගාසිටුවීමට උදව් කරන්නැයි ඉල්ලා සිටින්නේත් ආණ්ඩුවෙන් හෝ, අගමැතිවරයාගෙන් හෝ, ජනාධිපතිවරයාගෙන් හෝ නොව සමගි ජන බලවේගයෙන් යැයි විපක්ෂ නායක සජිත් ප්‍රේමදාස මහතා පවසයි.
ඒ කිසිවක් ආණ්ඩුවෙන් ඉල්ලා පලක් නැති බව ජනතාව දන්නා බව පැවසූ විපක්ෂ නායකවරයා රට බංකොලොත් වී ඇති තත්ත්වයක් තුළ පවා සමගි ජන බලවේගය රටට අගයක් එකතු කරන කටයුතු සිදුකර ඇති බව පෙන්වා දුන්නේය.
මේ රටේ පොදු දේපල ඇතුළු මුදල් සොරා කෑ යුගය රාජපක්ෂ යුගය බව පැවසුව විපක්ෂ නායකවරයා ගේ රට ගොඩනැගීමට නොහැකිව ඇත්තේ ද ඒ මහා මංකොල්ලය නිසා බවත් පැවසීය.
විපක්ෂ නායක සජිත් ප්‍රේමදාස මහතා මේ බව පැවසුවේ කුණ්ඩසාලේ දිගන ප්‍රදේශයේදී පසුගියදා (08) පැවති ජන හමුවක් අමතමිනි.
~ රුවන් නෙළුගොල්ල
