*
දේශීය පුවත් විස්තරය: සාරාංශය 02/11
- ජාතික මැතිවරණ කොමිෂන් සභාව විසින් සැලසුම් කර ඇති පරිදි 2023 පළාත් පාලන මැතිවරණය පැවැත්වීමට ශ්‍රේෂ්ඨාධිකරණය අවසර ලබා දෙයි – ජනතාවගේ ඡන්ද බලය ආරක්ෂා කිරීමට මැතිවරණ කොමිෂන් සභාව බැඳී සිටින බව අවධාරණය කරයි: මැතිවරණය පැවැත්වීමට එරෙහිව විශ්‍රාමික කර්නල් ඩබ්.එම්.ආර්. ජයසුන්දර විසින් ගොනුකළ රිට් පෙත්සම විභාග කිරීම 2023 පෙබරවාරි 23 දක්වා කල් දමන ලදී.
- රට ගොඩනැගීමට කැපවන ලෙස ජනපති රනිල් වික්‍රමසිංහ මහතා සියලු දේශපාලන නායකයින්ගෙන් ඉල්ලීමක් කරයි – දැනට ලැබෙන ආයෝජන මගින් රටේ ආර්ථිකය ඉතා ඉක්මනින් යථා තත්ත්වයට පත් වනු ඇති බවට තිබෙන විශ්වාසය තහවුරු වන බව ද පවසයි – ජනප්‍රිය තීරණ රටක් දියුණු කිරීමට ඉවහල් නොවන බැවින්, ජනප්‍රිය නොවන සහ දුෂ්කර තීරණ ගැනීමට සිදු විය හැකි බව ද අවධාරණය කරයි: ශ්‍රී ලංකාවේ දී පළමු වරට එකලස් කරන ලද Hyundai Grand i10 මෝටර් රථය වෙළෙඳපොලට හඳුන්වා දීමේ අවස්ථාවට එක් වෙමින් ජනපති මෙසේ අදහස් ප්‍රකාශ කළේය.
- ජාතික මැතිවරණ කොමිෂන් සභාව පළාත් පාලන ආයතනවල කොමසාරිස්වරුන් සහ සහකාර කොමසාරිස්වරුන් මැතිවරණ කොමිසමට කැඳවයි – ඡන්ද මධ්‍යස්ථාන පිහිටුවීම, ඡන්ද ගණන් කිරීම ඇතුළු පළාත් පාලන මැතිවරණයට සූදානම් වීම පිළිබඳව මෙම සාකච්ඡාවේදී අවධානය යොමු කරන බව මැතිවරණ කොමිසමෙහි සභාපති නිමල් පුංචිහේවා පවසයි.
- ව්‍යාපාර කිරීමේ පහසුව පිළිබඳ දර්ශකයේ (Ease of Doing Business Index) ශ්‍රේණිය ඉහළ නැංවීම සම්බන්ධයෙන් පැන නගින ගැටලු සහ දුෂ්කරතා පිළිබඳ නිර්දේශ සැපයීම සඳහා පත්කළ පාර්ලිමේන්තු තේරීම් කාරක සභාව විසින්, ශ්‍රී ලංකාවේ ආයෝජන ආරම්භ කිරීම සඳහා අවශ්‍ය ඉඩම් නිදහස් කිරීම සම්බන්ධයෙන් ඉදිරිපත් කර ඇති කරුණු සැලකිල්ලට ගනු ලබයි – මෙම කටයුතුවලට අදාළ ආයතනවල නිලධාරීන් කාර්යක්ෂමව වැඩ කිරීමේ අවශ්‍යතාව සහ එමඟින් පවතින නීතිමය ප්‍රතිපාදන තුළ වුවද ආයෝජනය සඳහා අවශ්‍ය ඉඩම් ලබාදීමට ඇති හැකියාව පිළිබඳව ඔවුන් කටයුතු කළ යුතු බවට පෙන්වා දෙයි.
- පාකිස්තානයේ ඒකාබද්ධ මාණ්ඩලික ප්‍රධානීන්ගේ කමිටුවේ සභාපති ජෙනරාල් සහීර් ෂම්ෂාඩ් මිර්සා, ශ්‍රී ලංකාවේ තෙදින සංචාරය අතරතුරදී කොළඹදී ජනාධිපති රනිල් වික්‍රමසිංහ හමුවෙයි – දෙරට අතර දිගුකාලීන සමීප සබඳතාව ද මෙහිදී සිහිපත් කරයි; එහිදී ජනපති රනිල් වික්‍රමසිංහ වෙත ද සිහිවටනයක් පිළිගැන්වීය.
- එළඹෙන පලාත් පාලන මැතිවරණය සඳහා තරඟ කරන අපේක්ෂකයින් පිළිබඳ තොරතුරු ලබා ගැනීම සඳහා ජාතික මැතිවරණ කොමිෂන් සභාව විසින් මෙරට පුරවැසියන් සඳහා නව වෙබ් අඩවියක් හඳුන්වා දෙයි – මැතිවරණයට ඉදිරිපත් වන පළාත් පාලන ආයතනයක, යම් දේශපාලන පක්ෂයක/ස්වාධීන කණ්ඩායමක අපේක්ෂක ලැයිස්තුවේ තොරතුරු ලබා ගැනීමට මෙම වෙබ් අඩවිය මහජනතාවට ඉඩ සලසයි.
- ‘කළු මුදල් අවම කිරීමේ’ පියවරක් ලෙස ශ්‍රී ලංකාවේ මුදල් පද්ධතියෙන් රුපියල් 5000 මුදල් නෝට්ටුව ඉවත් කළ යුතු බව හිටපු අමාත්‍ය, පාර්ලිමේන්තු මන්ත්‍රී වාසුදේව නානායක්කාර ප්‍රකාශ කරයි – මෙම පියවර පමණක් රජයට අවශ්‍ය ආදායම් බදු අයකර ගැනීමට උපකාරී වනු ඇතැයි ප්‍රකාශ කරයි.
- ශ්‍රී ලංකා රජය සමරිසි සබඳතා ‘නිර්සාපරාධීකරණය’ කිරීමට කටයුතු කරන බවත්, සමරිසි විවාහ නීත්‍යානුකූල කිරීමක් සිදු නොකරන බවත් විදේශ කටයුතු අමාත්‍ය අලි සබ්රි පවසයි – ඔහු මේ බව පවසා තිබෙන්නේ එක්සත් රාජධානිය, එක්සත් ජනපදය, කැනඩාව සහ නෝර්වේ ඇතුළු එක්සත් ජාතීන්ගේ සාමාජික රටවල් විසින් ස්විට්සර්ලන්තයේ ජිනීවා හි පැවති විශ්ව කාලාන්තර සමාලෝචනයේ 4 වන සැසියේ දී මෙම කරුණ පිළිබඳව මතුකරන ලද ඉල්ලීම්වලට ප්‍රතිචාර වශයෙනි.
- උසස් පෙළ විභාග වලදී සිසුන් සඳහා අඛණ්ඩව විදුලිය ලබාදෙන බවට එළැඹි එකඟතාවයට අනුකූලව කටයුතු නොකිරීම සම්බන්ධයෙන් විදුලිබල අංශයේ රාජ්‍ය නිලධාරීන් කිහිප දෙනෙකුට එරෙහිව ශ්‍රී ලංකා මානව හිමිකම් කොමිෂන් සභාව විසින් ගොනු කළ අධිකරණයට අපහාස කිරීමේ පෙත්සම ශ්‍රේෂ්ඨාධිකරණය ප්‍රතික්ෂේප කරයි – විදුලිබල මණ්ඩලයේ සභාපති, විදුලිබල හා බලශක්ති අමාත්‍යාංශයේ ලේකම් සහ ලංකා ඛනිජතෙල් නීතිගත සංස්ථාවේ සභාපති ආදී පාර්ශ්වයන්ට එරෙහිව මෙම පෙත්සම ගොනුකර තිබිණි.
- ශ්‍රී ලංකාව සහ දකුණු අප්‍රිකාව අතර කේප්ටවුන්හිදී පැවති කාන්තා-ක්‍රිකට් විස්සයි විස්ස ලෝක කුසලානයේ ආරම්භක තරගයේ දී ශ්‍රී ලංකාව, දකුණු අප්‍රිකාව පරාජයට පත් කරයි: ඕවර 20 කදී දකුණු අප්‍රිකාව 126/9 – ශ්‍රී ලංකාව 129/4 කි: ශ්‍රී ලංකා පිල මීළඟට බංගලාදේශයට එරෙහිව තරග වැදීමට නියමිත අතර, දකුණු අප්‍රිකාව-නවසීලන්තයට එරෙහි ප්‍රධාන තරඟයකට මුහුණ දී ආපසු පැමිණීමේ අරමුණින් සිටී.
