කටුනායක, බණ්ඩාරනායක ජාත්‍යන්තර ගුවන් තොටුපළ පොලීසියේ ස්ථානාධිපතිවරයා ඇතුළු පොලිස් නිලධාරීන් 4 දෙනෙකු පොලීසිය විසින් අත් අඩංගුවට ගෙන තිබේ.
මෙසේ අත් අඩංගුවට ගෙන ඇත්තේ කටුනායක ගුවන් තොටුපල පොලීසියේ ස්ථානාධිපතිවරයා, සැරයන්වරයකු සහ පොලිස් කොස්තාපල්වරුන් දෙදෙනෙකු බවයි පොලිස් මාධ්‍ය ප්‍රකාශකවරයා සඳහන් කළේ.
ව්‍යාජ නමකින් පෙනී සිටිමින් ඩුබායි රාජ්‍ය බලා යාමට පැමිණි සැකකරුවකු ගුවන් තොටුපලේදී අත් අඩංගුවට ගැනීමෙන් අනතුරුව ඔහු පොලිස් නිලධාරීන්ගෙන් මිදී පළායාමේ සිද්ධියක් සම්බන්ධයෙන් මෙකී පොලිස් නිලධාරීන්ව අත් අඩංගුවට ගෙන ඇත.
අදාළ සැකකරු පුද්ගල ඝාතන ඇතුළු අපරාධ ගණනාවකට සම්බන්ධ පුද්ගලයකු වන අතර ඔහුට එරෙහිව විදෙස් ගමන් තහනමක් ද පනවා තිබී ඇත.
RN
