මුදල් රාජ්‍ය අමාත්‍ය රංජිත් සියඹලාපිටිය කියා සිටින්නේ ,පසුගිය වසරේ සැප්තැම්බර් මාසයේ දී ඩොලර් බිලියන 1.7ක්ව පැවැති විදේශ සංචිත ප්‍රමාණය 2023 වසරේ පෙබරවාරි මාසයේ මුල් සතිය වන විට 23.5%ක වර්ධනයක් අත් කර ගනිමින් බිලියන 2.1ක් දක්වා ඉහළ ගොස් තිබෙන බවයි . එය ඩොලර් මිලියන 400ක වර්ධනයකි.
රජය විසින් ගනු ලැබූ යහපත් ආර්ථික තීන්දු තීරණවල ප්‍රතිඵල ලෙස රුපියල ශක්තිමත් වෙමින් පවතින බවත් , අමාත්‍යවරයා පෙන්වා දෙන්නේ ඒ හේතුවෙන් රුපියල ශක්තිමත් වෙමින් පවතින්නේ රට තුළ ඇති දේශපාලන ස්ථාවරත්වය සහ සාමකාමී වතාවරණය මත බවයි.
ආහාර උද්ධමනය 2022 වසරේ සැප්තැම්බර් මාසය වන විට 94.9%ක පැවතුනු බවත් එය 2023 ජනවාරි මාසය වන විට 60.1% දක්වා පහළ බැස තිබෙන බව මුදල් රාජ්‍ය අමාත්‍යවරයා කියයි.
2022 වසරේ සැප්තැම්බර් වන විට 29,802ක් ලෙස පැවැති සංචාරක පැමිණීම 261%ක වර්ධනයක් අත් කර ගනිමින් 2023 පෙබරවාරි වන වට 107,639ක් ලෙස සටහන්ව ඇති බව අමාත්‍යවරයා පැහැදිලි කළේය.
රෂිකා හෙන්නායක
