ශ්රේෂ්ඨාධිකරණ තීන්දුව හරහා මේ වන විට පළාත් පාලන මැතිවරණය සඳහා නීතිමය සහ මූල්යමය බාධාවක් නැති අතර මැතිවරණ කොමිසමට ලැබුණු මෙම අවස්ථාවෙන් හැකි ඉක්මණින් ජන්දය පැවැත්වීමට දිනයක් නියම කළ යුතු වන බව ජාතික ජන බලවේගය අවධාරණය කළේය.
අද (06) කොළඹදී පැවති මාධ්ය හමුවේදී ටිල්වින් සිල්වා මහතා පැවසුවේ ශ්රේෂ්ඨාධිකරණ තීන්දුවෙන් පසුව වුවද රනිල් වික්රමසිංහ ආණ්ඩුව ජන්දය නොපැවැත්වීමට අදාළ උත්සාහයන් අත්නොහරින හෙයින් ආණ්ඩුවේ කුමන්ත්රණවලට කාලය නොදී මැතිවරණය සඳහා ඉක්මන් දිනයක් නියම කළ යුතු වන බවයි.
”රනිල් වික්රමසිංහට ජනාධිපතිකම කරන්න කිසිම අයිතියක් නැති බව ජනතාවට පේනවා. මහින්ද රාජපක්ෂගේ ආණ්ඩුවට මේ රටේ ජනවරම ඉවරයි කියල ජනතාවට පේනවා. අපි දන්නවා ආණ්ඩුවත් ජනාධිපතිවරයාත් මේ ජන්දය නොතියන්න තව තව තුරුම්පු ගහන්න පුළුවන්. තව තව කුමන්ත්රණ කරන්න පුළුවන්. ඒකට අවස්ථාව දිය යුතු නැහැ. ඒ නිසා මැතිවරණ කොමිසම දැන් තමන්ට ලැබී තිබෙන වාසිදායක තත්ත්වය මත තීරණයක් ගැනීම කළ යුතු වෙනවා. එය ඔවුන් නොසලකා හැරියොත් වෙන්නේ අධිකරණ තීන්දුවක් නොසලකා හරිමින් අධිකරණයට අපහාස කිරීමත් එක්ක දඬුවම් විදින්න. ඒ නිසා දැන් කළ යුතුව තිබෙන්නේ මැතිවරණ කොමිෂන් සභාව පුළුවන් තරම් ඉක්මණින් දිනයක් ප්රකාශයට පත්කරන එක.” යනුවෙන් ටිල්වින් සිල්වා මහතා වැඩිදුරටත් ප්රකාශ කරන ලදී.
ආශිකා බ්රාහ්මණ
