නව පොලිස්පතිවරයා පත්කළ යුතු ආකාරය ගැන ආණ්ඩුවට උපදෙස් දීමට ඉදිරිපත්ව සිටින්නේ ශ්‍රී ලංකාවේ ප්‍රධානතම මත්ද්‍රව්‍ය ජාවාරම්කරුවා වන හරක් කටා වෙනුවෙන් අධිකරණය හමුවේ පෙනී සිටින නීතීඥවරයාම බව රාජ්‍ය අමාත්‍ය ඩී. වී. චානක මහතා පවසයි.
“පහුගිය කාලේ එක පැත්තකින් උණ්ඩියල් ඉස්සරහට යනවා, එක පැත්තකින් කුඩු ව්‍යාපාරයට උණ්ඩියල් මුදල් ටික යනවා, අනිත් පැත්තෙන් අරගලයකට සහයෝගය ලබාදෙනවා. මොකක්ද මේකෙ සම්බන්ධය ? සම්බන්ධය තමයි ලංකාවට කුඩු ගේනවා නම් ඒවාටත් ගෙවන්න ඕනෙ ඩොලර්වලින්මයි. ඔය ගේන ගංජාවලට ගෙවන්නත් ඕනෙ ඩොලර්වලින්මයි. උණ්ඩියල් දියුණු වුණා, කුඩු වලට ඩොලර් ටික ගියා, අන්තිමට ලංකාවේ ලොකුම චෝදනා ලබපු කුඩුකාරයාට අරගලයට නායකත්වය දීපු කෙනා තමයි නීතියෙන් පෙනී සිටියේ. අද එතුමන්ලා තමයි ඇවිත් කියන්නේ පොලිස්පති පත්කරන්නේ කොහොමද කියලා. එක පැත්තකින් ලංකාවට කුඩු දෙන නායකයා වෙනුවෙන් උසාවියට යනවා, අනිත් පැත්තෙන් ඇවිල්ලා කියනවා පොලිස්පති පත්කරන්න කියලා. දැන් අපට තියෙන ප්‍රශ්නෙ තමයි හරක් කටාට ඕනෙ විදියටද ලංකාවේ පොලිස්පති පත්වෙන්නෙ කියන එක. නැත්නම් ඔහුගේ පණිවිඩයද මේ නීතීඥවරු හරහා එළියට එන්නෙ කියන එක. ඒක හින්දා අපට පේනවා මේ අරගලය කුමන්ත්‍රණයක්, මේක ඇතුළෙ තිබුණෙ ලංකාවේ ඩොලර් ටික කුඩුවලට උණ්ඩියල් හරහා පිටරට යන එක තමයි මේක හරහා සිදුවුණේ. තවදුරටත් කුඩුකාරයින්ට ඕනෙ විදියට පොලිස්පති පත්කරන නායකයො මේ රටේ නෑ කියලා අපි පැහැදිලිව කියන්න කැමතියි”
රාජ්‍ය අමාත්‍ය ඩී. වී. චානක මහතා මේ බව පැවසුවේ ඊයේ (21) පාර්ලිමේන්තුවේදී අදහස් දක්වමිනි.
RN
