කොළඹ (LNW):විෂයභාර භාර අමාත්‍ය කාංචන විජේසේකර අමාත්‍යවරයාගේ හිතුවක්කාරී අදූරදර්ශී ක්‍රියාපිළිවෙත නිසා ඛනිජ තෙල් බෙදාහැරීම අඩාල කර තිබෙන බව ඛනිජ තෙල් පොදු සේවක සංගමයේ සභාපති අචාර්ය අශෝක රන්වල මහතා පවසයි.
ඒ අනුව ඛනිජ තෙල් සේවකයින් විසින් ආරම්භ කළ සත්‍යග්‍රහය සහ උපවාසය අවසන් කර අඛණ්ඩ වැඩවර්ජනයක් ක්‍රියාත්මක කර තිබෙන අතර එම වැඩවර්ජනයට හෝ ආණ්ඩුව ඇහුම්කන් දෙනු ඇතැයි බලාපොරොත්තු වන බවත් එයටත් සවේදී නැත්නම් අර්ධ රාජ්‍ය ආයතන වන විදුලිය සහ වරාය ද එක්ව දැවැන්ත වෘත්තීය සමිති ක්‍රියාමාර්ග වෙත යොමුවන බවයි රන්වල මහතා අවධාරණය කරන්නේ.
තෙල් සංස්ථාව සමගම වෙත විකිණීමට අනුමැතිය දී තිබෙන කැබිනට් නිර්දේශය වහාම අවලංගු කර වෘත්තීය සමිති සමඟ සාකච්ජාවට පැමිණෙන ලෙස ඔහු වැඩිදුරටත් කියාසිටියි.
ආශිකා බ්‍රාහ්මණ
