01. ඩොලර් බිලියන 4ක ණය සහනයෙන් කොටසක් ලෙස ශ්‍රී ලංකාවට ලබාදුන් ඇමෙරිකානු ඩොලර් බිලියනයක ණය සහනයේ කාලසීමාව තවත් වසරකින්දීර්ඝ කිරීමට ඉන්දියාව එකඟවී ඇත – සාකච්ඡාවලින් පසු ණය සහනය 2024 මාර්තු දක්වා දීර්ඝ කළ බව නියෝජ්‍ය භාණ්ඩාගාර ලේකම් ප්‍රියන්ත රත්නායක මහතා පවසයි.
02. ඩෙංගු ව්‍යාප්තිය වැළැක්වීමට අවශ්‍ය සියලු පූර්වාරක්‍ෂක පියවර ගන්නා ලෙස ජනාධිපති රනිල් වික්‍රමසිංහ මහතාගේ උපදෙස් මත ජනාධිපති ලේකම්සමන් ඒකනායක මහතා විසින් සියලුම පළාත් ලේකම්වරුන්ට ලිඛිතව දැනුම් දෙයි – ඩෙංගු මර්දන වැඩසටහනේ අවශ්‍යතා අනුව ප්‍රධාන ලේකම්වරුන් වෙත තම උපරිම සහයෝගය ලබා දෙන ලෙස ත්‍රිවිධ හමුදාව සහ පොලිසියට උපදෙස් දෙන ලදී.
03. MV X-Press Pearl සමුද්‍ර ව්‍යසනය පිළිබඳ දෙදින කල් තැබීමේ විවාදයක් පැවැත්වීමට පාර්ලිමේන්තු කටයුතු පිළිබඳ කාරක සභාව තීරණය කරයි – විවාදය අද(මැයි 10) සහ හෙට (මැයි 11) පෙරවරු 9.30 සිට පස්වරු 6 දක්වා පැවැත්වේ.
04. සමරිසි සබඳතා නිර්සාපරාධීකරණය කිරීම සඳහා දණ්ඩ නීති සංග්‍රහයට සංශෝධන එක් කිරීමේ යෝජනාව “ආණ්ඩුක්‍රම ව්‍යවස්ථාවට අනුකූල” බවත්, එබැවින් සමරිසි සබඳතා නිර්සාපරාධීකරණය කිරීම පාර්ලිමේන්තුවේ සරල බහුතරයක් හරහා සිදුකළ හැකි බවත් ශ්‍රේෂ්ඨාධිකරණය විසින් තීන්දු කළ බව කතානායකවරයා පාර්ලිමේන්තුවට දැනුම් දෙයි.
05. ඉන්දියාවට නිසි අවධානයක් යොමු කර ප්‍රවර්ධන කටයුතු සිදු කරන්නේ නම් ශ්‍රී ලංකා සංචාරක ව්‍යාපාරයට ඉන්දියාවෙන් පමණක් මිලියන 3කට අධිකසංචාරකයින් පිරිසක් ආකර්ෂණය කර ගත හැකි බව City Construction පෞද්ගලික සමාගමේ සභාපති සහ කොළඹ Ocean Edge Suites සහ Hotels හි සභාපති ප්‍රියන්ක් ගුප්තා ප්‍රකාශ කරයි – මෙය සාක්ෂාත් කර ගැනීම සඳහා ශ්‍රී ලංකාවට පැමිණීමේදී නොමිලේ වීසා ලබා දීමට හෝ රුපියල් මිලියනගණන් වියදම් කරමින් නිතිපතා මෙගා මාර්ග සංදර්ශන පැවැත්වීමට අවශ්‍ය නැති බව ද පවසයි.
06. නීතිවිරෝධී ලෙස ඔස්ට්‍රේලියාවට ඇතුළු වීමට උත්සාහ කළ ශ්‍රී ලාංකිකයන් 41 දෙනෙකු ඕස්ට්‍රේලියාවෙන් පිටුවහල් කරයි – පිටුවහල් කළ පිරිසෙන් බහුතරයක් යාපනය සහ වාලච්චේන ප්‍රදේශවල පදිංචිකරුවන් වන අතර ඔවුන් බහුදින ධීවර යාත්‍රා යොදා ගනිමින් ඕස්ට්‍රේලියානු මුහුදු සීමාවට ඇතුළු වී ඇතිබව වාර්තා වේ.
07. 2003 අංක 3 දරන රාජ්ය මූල්‍ය කළමනාකරණ (වගකීම්) පනත මගින් මූල්‍ය අර්බුදය සාර්ථකව මැඩපැවැත්වීමට හැකිව තිබූ නමුත් සංශෝධන කිහිපයක් නිසා අයවැය පරතරය සියයට 10-12 දක්වාත් රාජ්ය ණය දළ දේශීය නිෂ්පාදිතයෙන් සියයට 125 ක් සහ රාජ්ය ණය සඳහා ඇපකර සියයට 15කින්ඉක්මවා ගොස් ඇති බව කැබිනට් ප්‍රකාශක බන්දුල ගුණවර්ධන මහතා ප්‍රකාශ කරයි – තත්ත්වය ‘නිවැරදි කිරීම’ සඳහා නව මූල්‍ය කළමනාකරණ පනත කැබිනට් මණ්ඩලය විසින් අනුමත කර ඇත.
08. ශ්‍රී ලංකාවේ ණය ප්‍රතිව්‍යුහගත කිරීම සම්බන්ධීකරණය කිරීම සඳහා ණය දෙන රටවල් ඔවුන්ගේ පළමු රැස්වීම අඟහරුවාදා අන්තර්ජාලය හරහා පවත්වයි – මධ්‍යම ආදායම්ලාභී ආර්ථිකයන්හි ණය දුෂ්කරතා විසඳීම සඳහා එය ආදර්ශයක් වනු ඇතැයි ණයහිමියන් බලාපොරොත්තු වේ: ශ්‍රී ලංකාව ද්විපාර්ශ්වික ණය හිමියන්ට ඩොලර් බිලියන 7.1 ක් ණය වී ඇති අතර, චීනයට ඩොලර් බිලියන 3 ක්, පැරිස් සමාජයට ඩොලර් බිලියන 2.4 ක් සහ ඉන්දියාවට ඩොලර් බිලියන 1.6 ක් වශයෙන් වේ.
09. “අරගලය” ජනතා ව්‍යාපාරයට සමාන විරෝධතා මතුවීම වැලැක්වීම සඳහා පරම බලය සහිත ජනාධිපති කොමිසමක් පිහිටුවන ලෙස අමාත්‍යමණ්ඩලයෙන් ඉල්ලීමක් කළ බව කැබිනට් ප්‍රකාශක බන්දුල ගුණවර්ධන ප්‍රකාශ කරයි – “රටේ නීතිය හා සාමය සහතික කිරීම සඳහා” එවැනි ඉල්ලීමක් කරනලදී.
10. ඇෆ්ගනිස්තාන ජාතික පිරිමි ක්‍රිකට් කණ්ඩායම 2023 මැයි-ජුනි මාසවල තරග තුනකින් යුත් එක්දින තරගාවලියක් සඳහා ශ්‍රී ලංකාවට පැමිණීමට නියමිතය – ඇෆ්ගනිස්ථාන කණ්ඩායම 2023 මැයි 29 වැනිදා ශ්‍රී ලංකාවට පැමිණේ.
