කොළඹ LNW:ශ්‍රී ලංකාවේ ණය ප්‍රතිව්‍යූහගත කිරීමට අදාළ නිල ණය හිමි කමිටුවක් පිහිටුවා ඇති බව පැරිස් සමාජය නිවේදනය කර තිබේ.
ණය ප්‍රතිව්‍යූහගත කිරීමට අදාළ පළමු රැස්වීම මාර්ගගත ක්‍රමය ඔස්සේ පැවති අතර එහිදීයි එම තීරණය ගෙන ඇත්තේ.
ණය හිමි රටවල් 17 ක සහභාගීත්වයෙන් අදාළ කමිටුව පිහිටුවා තිබේ. එහි ප්‍රධානත්වය දරන්නේ ඉන්දියාව, ජපානය හා ප්‍රංශයයි.
පළමු රැස්වීමට ශ්‍රී ලංකා බලධාරීන්ද එක් ව ඇති අතර එහිදී ණය ප්‍රතිව්‍යූහගත කිරීමට අදාළ නිල ඉල්ලීම ඔවුන් ඉදිරිපත් කරනු ඇත.
මෙම නිල සාකච්ඡාවට චීනයද සහභාගී වී තිබේ.
මේ අතර චීන විදේශ අමාත්‍යාංශයේ ප්‍රකාශක වැන්ග් වනේබින් මහතා ඊයේ පැවති දෛනික මාධ්‍ය හමුවේදී ප්‍රකාශ කර තිබුණේ ශ්‍රී ලංකාවේ ණය ප්‍රතිව්‍යූහගත කිරීමේ ක්‍රියාවලියේදී චීන මූල්‍යාධාර සදහා උපරිම සහාය ලබා දෙන ලෙසයි.
ඊට අදාළව ස්ථිර විසඳුමකට පැමිණීම සඳහා ශ්‍රී ලංකාව සමඟ සමීප සබඳතාවක නිරත වන බවද ඔහු පවසා තිබේ.
පවතිනා රතික අවපාතයෙන් ගොඩ ඒම සඳහා ජාත්‍යන්තර මූල්‍ය අරමුදලේ විස්තීරණ ණය පහසුකම් යටතේ ශ්‍රී ලංකාවට මෙලෙස ණය ප්‍රතිව්‍යුහගත කරගැනීමට සිදුව ඇත.
ASK
