කෑගලු දිසාවේ ප්‍රධාන අධිකරණ සංඝනායක ධූරයෙන් පිදුම්ලත් සද්ධර්ම කීර්ති පානගමුව ධම්මරතන නාහිමිපාණන් වහන්සේගේ අධිකරණ සංඝනායක දුර ප්‍රදානෝත්සවය අද මාවනැල්ල හෙම්මාතගම දී පැවැත්විණි.
එම අවස්ථාවට එක්වූ විපක්ෂ නායක සජිත් ප්‍රේමදාස මහතා ප්‍රකාශ කළේ පානගමුව ධම්මරතන නාහිමිපාණන් වහන්සේ ශ්‍රී සම්බුද්ධ ශාසනයට කීර්තිමත් මෙහෙවරක් ඉටුකරමින් සිටි නාහිමිපාණන් වහන්සේ නමක් බවය.
ජාතික සහ ආගමික වශයෙන් සුවිශේෂී කටයුතු වල දී පවා උන්වහන්සේ නොපැකිළව ඒවාට ඉදිරිපත් වන බවත් සෑම විටම සාධාරණ පැත්තනියෝජනය කළ බවත් පැවසූ විපක්ෂ නායකතුමා තමන් වහන්සේ වෙත පැමිණෙන අභියෝග අපහාස උපහාස සියල්ල උපේක්ෂාවෙන් යුතුව භාරගත් බව ද පැවසීය.
අටලෝ දහමින් කම්පා නොවී නොසැලී සිටීම සැබෑ ධර්මය බව පැවසූ විපක්ෂ නායකතුමා ගරුතර නාහිමිපාණන් වහන්සේගේ චරිතය පුරාම ඒ සුවිශේෂී ලක්ෂණය දක්නට ලැබුණු බවද පැවසීය.
