ශ්‍රී ලංකාවේ හිටපු මේස පන්දු ජාතික සූරයෙක් වන තිළිණ පියදාසගේත්,ශ්‍රී ලංකාව නියෝජනය කළ ක්‍රීඩිකාවක වූ රිෆ්කා කාමිල්ගෙත් දියණිවරුන් වූ ටාෂියා පියදාස සහ ටියානා පියදාස ඇමෙරිකානු ජාතික මේස පන්දු සූරතාවලියේ දී අවුරුදු 13 න් පහළ අවසාන තරගයට පිවිසීමට සමත් විය.එහිදී ටියාෂා සිය නැගණිය වන ටියානා පරාජය කරමින් අවුරුදු 13 න් පහළ ජාතික සූරිය වුවාය.තරගාවලියට පිවිසි ක්‍රීඩිකාවන් අතර ටාෂියා අංක එකට වර්ගීකරණයේ රැඳුණ ද කුඩා ටියානා හිටියේ අංක 15 ට ශ්‍රේණිගතවය.ඒ නිසා ඇයගේ අනු සූරතාවය පියවර ගණනාවක පිම්මක් ලෙස නිර්වචනය කිරීමේ වරදක් නැත.
ටාෂියා මෙම ජාතික සූරතාවලියේ අවුරුදු 15 න් පහළ අවසන් තරගයට ද පිවිසෙන්නට සමත් වූ අතර ඇය එහිදී ද අනු සූරිය වෙන්නට සමත් වූවාය.ටාෂියා ද අවුරුදු 15 න් පහළ තරගාවලියේ අංක 8 සිට අනු සූරිය දක්වා ඉහළ නැංගාය.ඇය අවුරුදු 19 න් පහළ ඇමෙරිකානු වර්ගීකරණයේද මුල් විස්ස අතර රැඳෙන්නීය.
ටියානා අවුරුදු 13 න් පහළ අනු සූරතාවයට අමතරව අවුරුදු 11 න් පහළ කාන්කා යුගල සහ මිශ්‍ර යුගල අනු සූරතාවයන්ට ද දායක වූවාය.ටාෂියා අවුරුදු 13 න් පහළ සහ 15 න් පහළ ජාතික සංචිතවලටත්,ටියානා අවුරුදු 13 න් පහළ සහ 11 න් පහළ ජාතික සංචිතවලටත් සුදුසුකම් ලැබීය.දෙදෙනා තිළිණ පියදාස යටතේ ද මෙන්ම Tuan Le සහ Helen Le ගේ පුහුණු අධික්ෂණය යටතේ ක්‍රීඩා කරයි.ඔවුන්ගේ අනුග්‍රාහකයන් ලෙස Bowmar Sports Butterfly North America සහ Latin America කටයුතු කරයි.ප්‍රධාන ඡායාරූපයේ දැක්වෙන්නේ ටාෂියා (උපැස් යුවල පැළද) සහ ටානියා රිෆ්කා සහ තිළිණ සමඟ ජයග්‍රහණයෙන් අනතුරුව ඡායාරූපයකට පෙනී සිටි අවස්ථාවයි.සෙසු ඡායාරූපවලින් දැක්වෙන්නේ ඔවුන් අයත්වන ඇමෙරිකානු එක්සත් ජනපද වයස් ඛාණ්ඩ ජාතික සංචිතවල සාමාජිකයන් සමඟ ටාෂියා සහ ටියානා ඡායාරූප සඳහා පෙනී සිටි අයුරුයි.
සටහන – නිෂ්මං රණසිංහ
