ශ්‍රී ලංකා වයඹ විශ්වවිද්‍යාලයේ කුලපති ධුරය සඳහා ආචාර්ය පී. ඒ. කිරිවන්දෙණිය මහතා පත්කර තිබේ.
ඒ මහතාව ජනාධිපති රනිල් වික්‍රමසිංහ මහතා විසින් වසර 5ක කාලයක් සඳහා එම ධුරයට පත්කර ඇති බවයි ජනාධිපති මාධ්‍ය අංශය සඳහන් කරන්නේ.
පී. ඒ. කිරිවන්දෙණිය මහතා සණස ව්‍යාපාරයේ නිර්මාතෘවරයා ය.
සමූපකාර හා මූල්‍ය ක්ෂේත්‍රයේ විදවතෙකු වන ඒ මහතා මීට පෙර ජාත්‍යන්තර සමූපකාර හා අන්‍යෝන්‍ය රක්ෂණ සම්මේලනයේ සභාපති, ආසියානු ණය සමිති සම්මේලනයේ සභාපති, මහජන බැංකුවේ සභාපති, ප්‍රාදේශීය සංවර්ධන බැංකුවේ අධ්‍යක්ෂ, ජාතික සමූපකාර කළමනාකරණ ආයතනයේ සභාපති සහ ජාතික සමූපකාර සභාවේ සභාපති යනාදී වශයෙන් දේශීය හා ජාත්‍යන්තර ආයතන රැසක තනතුරු හොබවා ඇත.
RN
