යම් භූ කලාපයක යම් නිශ්චිත සංස්කෘතික ප්රජාවක් ජීවත්වෙයි නම් එහි පැවතිය යුතු ඇදහිලි මොනවාද යන්න තීරණය කිරීම එහි වෙසෙන ප්රජාවගේ අයිතියකි.
එහිදී එකී භූමියේ දැනට ජීවත් නොවන සංකෘතික ප්රජාවක් විසින් ඉතිහාස පුරාවෘතාන්ත ගෙන හැර දක්වමින් ඒ භූමියේ පල්ලි පන්සල් ගොඩනැගීමට යාම යුක්ති ගරුක නොවේ.
විශේෂයෙන්ම බෞද්ධ ඇදහිලි වතාවත් කිරීමට එහි බෞද්ධයන්ද නැත්නම් මේ ඊනියා අතීත උරුමය පසුපස ඇත්තේ වෙනත් ඇජෙන්ඩාවක් බව පැහැදිලි වෙයි.
සිංහල බෞද්ධයන්ට ආගමික වතාවත් කිරීමට ඇති තරම් තැන් දකුණේ ඇත..මදිනම් තවත් සාදාගැනීමටද හැක..ඒ සඳහා උදවු උපකාර කරන දේශපාලකයන්ද ඇති තරම් ඇත. අනික් පැත්තෙන් වෙනත් සංකෘතික ජනපිරිසක් ජීවත් වෙන භූමියකට මෙසේ කඩා වැදී ආගමේ නාමයෙන් ගැටුමක් ඇති කරගැනීමද බුදු දහමට ප්රතිවිරුද්ධ භාවිතාවකි..
එසේම මේ ඊනියා නිජබිම් උරුමය පිළිබඳ සංකල්පය ද තනි මිත්යාවකි.. මන්ද, සෑම විටම ඉතිහාසය නිර්මාණය කෙරෙන්නේ වර්තමාන ජයග්රාහකයාගේ ඕනෑ එපාකම් වලට අනුවය. බුදුන් වහන්සේ ලංකාවට පැමිනියා යැයි කියවෙන්නේ බුද්ධාගමේ මානසික අභිවෘද්ධිය පිනිස මිස ඒ පිළිබඳව ඇති නිවැරදි ශාක්ෂිවලට අනුව නොවේ..
අද ඇමරිකානු රාජ්යය ඇත්තේ මායා ශිෂ්ඨාචාරයේ නිජ බිම උඩය, හින්දු ශිෂ්ඨාචාරයේ නිජ බිම උඩ දැන් ඇත්තේ ඉස්ලාම් රාජ්ය පද්දතියකි.. වර්තමාන ලෝකයේ කිසිම රාජ්යයක් එහි අතීත නිජබිම් මතම ඇතැයි සිතිය නොහැකිය ..එබැවින් අතීත නිජබිම් උරුමයම ඉල්ලා සිටීම එක්තරා ගෝත්ර භාවිතාවකි..
මහා පරාක්රම බාහු මහා සේනාවක් රැගෙන ගොස් ඉන්දියාවේ කොටසක් අල්ලා ගත් බව මහාවංශ ප්රවාදවලද සඳහන් වෙයි, නමුත් එකී මහාවංස ප්රවාද වලට අනුව ගොස් ඉන්දියාවේ මොනයම් හෝ තැනක් අපි දැන් අල්ලාගැනීමට ගියහොත් ඉන්දියාව අපිට කොහොම සලකයිද…?
~ ප්රියශාන්ත රාජපක්ෂ
RN
