කොළඹ LNW:හදිසි මිලදී ගැනීම් යටතේ ඒස් පවර් මාතර සහ ඇඹිලිපිටිය බලාගාරවලින් මෙගවොට් 120 ක විදුලිය ධාරිතාවක් මිලදී ගැනීම සදහා ලංකා විදුලි බල මණ්ඩලය කටයුතු කරමින් සිටින බව වාර්තා වෙයි.
ඒස් පවර් මාතර බලාගාරයෙන් ලංකා විදුලිබල මණ්ඩලය මෙගවොට් විස්සක ධාරිතාවක් මිලදී ගැනීමට අපේක්ෂා කරන අතර, ඊට අදාල එකගතාවයන් සාර්ථකව අවසන් කරගෙන ඇති බව සඳහන්.
කෙසේ වෙතත්, ඒස් පවර් ඇඹිලිපිටිය බලාගාරයෙන් මිලදී ගැනීමට නියමිත මෙගවොට් 100ක විදුලිය ධාරිතාවට අදාල මිල ගණන් සම්බන්ධයෙන් ලංකා විදුලි බල මණ්ඩලය මෙතෙක් අවසන් එකගතාවයකට පැමිණ නැති බවයි කියවෙන්නේ.
ජාතික විගණන කාර්යාලය විසින් සිදු කරන ලද විගණයකින් හෙළි වී ඇති ආකාරයට, 2016 සිට 2021 දක්වා කාලය තුළ, ඒස් පවර් බලාගාරයෙන් විදුලිය මිලදී ගැනීම සදහා ලංකා විදුලිබල මණ්ඩලය රුපියල් මිලියන 59,454 ක මුදලක් වැය කර ඇත.
ASK
