සටහන – රෂිකා හෙන්නායක
කොළඹ (LNW): ඖෂධීය කංසා වගාව සඳහා නව පනත තුළින් අවසරය හිමිවූ බව දේශීය වෛද්ය රාජ්ය අමාත්ය සිසිර ජයකොඩි මහතා පවසයි. ඔහු මේ බව පැවසුවේ , රජයේ ප්රවෘත්ති දෙපාර්තමේන්තුවේ ඊයේ (07) සංවිධාන කර තිබූණු ප්රවෘත්ති සාකච්ඡාවකට එක්වෙමිනි.
එහිදී අදහස් දල්වූ ඒම මහතා,
“ආයුර්වේද පනතේ මෙතෙක් කල් පැවැතියේ ආයුර්වේද ඔසු නිෂ්පාදනය සම්බන්ධයෙන් පමණයි. දැන් ඔසු වගා කිරීම සඳහා වූ අවශ්ය බලය ලබාදෙනවා. වාණිජමය වගාවන් වශයෙන් තමයි ඔසු උයන් සහ ඔසු වගාවන් සිදුවෙන්න ඕනේ. ඒවට අවශ්ය පරිසරය, නෛතික සීමාවන් අපි ලබාදීලා තිබෙනවා.”
“ඉදිරි සති කිහිපය තුළ ලියාපදිංචි ලේඛනයට අලුතින් තවත් ක්ෂේත්ර කිහිපයක් ඇතුළත් වෙනවා. එලෙස ලියාපදිංචිය ලබාදෙන අලුත් ක්ෂේත්රය වන සම්බාහන ශිල්පීන් කියන වෘත්තිකයින් සමග ස්පා පටලව ගන්න එපා.”
ලෙස රාජ්ය අමාත්ය සිසිර ජයකොඩි මහතා පැවසීය.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
