කොළඹ LNW:පින්නදූව සහ ඉමදුව අතර කොටසේසිදු වූ නායේ යෑම නිසා මේ වන විට දක්ෂිණ අධිවේගී මාර්ගයේ ගමනාගමන කටයුතු සම්පුර්ණයෙන් නතර කර තිබෙන නමුත් සවස් කාලය වන විට එක් මංතීරුවක් හෝ ගමනාගමන කටයුතු සඳහා විවෘත කිරීමට බලාපොරොත්තු වන බව මාර්ග සංවර්ධන අධිකාරියේ අධ්‍යක්ෂ ජනරාල් එල්.වී.එස්.වීරකෝන් මහතා පැවසුවේය.
ඊයේ පැවති වර්ෂාව මධ්‍යයේ වුවද පස් ඉවත් කිරීමේ කටයුතු ආරම්භ කළ බවයි වීරකෝන් මහතා සඳහන් කළේ.
එම කටයුතු සඳහා හමුදා සහයද ලැබී තිබෙන අතර ජාතික ගොඩනැගිලි පර්යේෂණ ආයතනයේ පරීක්ෂණයන්ට ද යටත් කර තිබෙන බවයි ඔහු පැවසුවේ.
ඒ අනුව ජාතික ගොඩනැගිලි පර්යේෂණ ආයතනයේ නිර්දේශ මත සවස් කාලය වන විට එක් මංතීරුවක් හෝ විවෘත කිරීමට නියමිතයි.
අධිවේගී මාර්ගයේ ඇතැම් කොටස් නායේ යාමේ අවධානමක් පවතින බවද වීරකෝන් මහතා ප්‍රකාශ කරන ලදී.
ASK
