සටහන – රෂිකා හෙන්නායක
කොළඹ (LNW): රාජ්‍ය වාණිජ විවිධ නීතිගත සංස්ථාව පවසන ආකාරයට ආනයනික බිත්තර මිලියන 15ක් ඇණවුම් කළ බව සඳහන් වේ.
එහි සභාපති ආසිරි වලිසුන්දර සඳහන් කළේ, ලබන සඳුදා එම බිත්තර ලංකාවට ලැබීමට නියමිත බවයි.
ආනයනය කරන ලද තවත් බිත්තර මිලියන 10ක්, සත්ත්ව නිෂ්පාදන හා සෞඛ්‍ය දෙපාර්තමේන්තුවෙන් ලබන සෙනසුරාදා වාර්තා ලබා ගැනීමට නියමිත අතර, මේ අතර බිත්තර බෙදා හැරීමේ කටයුතු ද වැඩි කර ඇති බව සඳහන් වේ.
ඒ අනුව, පෙර සතොස වෙළෙඳසැල් සඳහා දිනකට බිත්තර මිලියන 2 බැගින් නිකුත් කරන බවද සභාපතිවරයා කියා සිටී.
කෙසේ වෙතත් මේ වනවිට මෙරට වෙළෙඳපොළ තුළ දේශීය බිත්තරයක මිල රුපියල් 60ට වැඩි අගයක් දක්වා ඉහළ ගොස් ඇති අතර, එම හේතුවෙන් පිඩාවට පත් ජනතාවට සහන සැලසීමේ අරමුණින් මෙම පියවර ගෙන ඇති බවට වාර්තා වේ.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත👇👇
