ශ්‍රී ලංකා නිදහස් පක්ෂයේ අම්බලන්ගොඩ ආසනයේ නව සංවිධායකවරයා වශයෙන් හිටපු පාර්ලිමේන්තු මන්ත්‍රී සජින් වාස් ගුණවර්ධන පත්කර ඇති බව වාර්තා වේ.
ඒ, අම්බලන්ගොඩ ආසනයේ හිටපු ශ්‍රීලනිප සංවිධායක ශාන් විජයලාල් ද සිල්වා සමගි ජන බලවේගයට එක්වීමෙන් ඇතිවූ පුරප්පාඩුව සඳහා ය.
එසේම ශ්‍රීලනිප නායක මෛත්‍රීපාල සිරිසේන මහතා සජින් වාස් ගුණවර්ධනව ශ්‍රීලනිප ගාල්ල දිස්ත්‍රික් නායකයා වශයෙන් ද පත්කර ඇති බව සඳහන්.
මෛත්‍රීපාල සිරිසේන මහතා මෙම තීරණයට එළඹී ඇත්තේ පෙරේදා (03) දිනයේදී ගාල්ල දිස්ත්‍රික්කයේ සියලුම ශ්‍රීලනිප ආසන සංවිධායකවරුන් පක්ෂ මූලස්ථානයට කැඳවා පැවැත්වූ සාකච්ඡාවකින් අනතුරුව ය.
RN
