කොළඹ LNW: විදුලි බිල සංශෝධනය කිරීම පෙබරවාරි මස මුල් සතිය වන විට සිදු කිරීමට අපේක්ෂා කරන බව විදුලිබල හා බලශක්ති රාජ්‍ය අමාත්‍ය ඉන්දික අනුරුද්ධ මහතා පවසයි.
විදුලි බිල අඩු කිරීමට අවශ්‍ය දත්ත මහජන උපයෝගිතා කොමිෂන් සභාව වෙත ඉදිරිපත් කර ඇති බවයි රාජ්‍ය අමාත්‍යවරයා සඳහන් කළේ.
රාජ්‍ය අමාත්‍යවරයා මේ බව කියා සිටියේ අද (05) ජනාධිපති මාධ්‍ය කේන්ද්‍රයේ පැවති මාධ්‍ය හමුවේදීය.
පැවති වර්ෂා සහිත කාලගුණය හේතුවෙන් ජලාශ පිරීමත් සමඟ ජාල විදුලි උත්පාදනය සක්‍රීය වීම නිසා විදුලි බිල අඩු කිරීමේ හැකියාවක් ලැබෙනු ඇති බව අමාත්‍ය කංචන විජේසේකර මහතාද පසුගිය දිනවල පවසන ලදී.
ASK
