සටහන – රෂිකා හෙන්නායක
පෙබරවාරි , 07 කොළඹ (LNW): හිටපු ජනාධිපති චන්ද්රිකා බණ්ඩාරනායක කුමාරතුංග මහත්මිය , පොදුජන එක්සත් පෙරමුණේ නායකත්ව මණ්ඩලයේ නායකත්වයට පත් කිරීමට තීරණය කර තිබේ.
පොදුජන එක්සත් පෙරමුණේ ව්යවස්ථාව සංශෝධනය කිරීම සඳහා ඊයේ (06) පැවති එහි විධායක සභා රැස්වීමේදී මේ තීරණයට එළඹි බව ශ්රී ලංකා නිදහස් පක්ෂ මාධ්ය ප්රකාශක තිසර ගුණසිංහ මහතා සඳහන් කළේය.
ශ්රී ලංකා නිදහස් පක්ෂය පුළුල් සන්ධානයක් යටතේ පුටුව ලකුණින් ඉදිරි මැතිවරණයට තරග කිරීමට නියමිතව තිබේ. පොදුජන පෙරමුණු ව්යවස්ථා සංශෝධනය යටතේ නායකත්ව මණ්ඩලයේ 25% ක නියෝජනයක් හා කෘත්යාධිකාරී මණ්ඩලයේ 50% ක බලයක් ශ්රී ලංකා නිදහස් පක්ෂයට හිමිවන බව ද පැවසේ.
පොදුජන එක්සත් පෙරමුණේ නව නිලධාරී මණ්ඩලය ලබන 22 වැනි දා පත් කිරීමට ද තීරණය කළ බවත්, පක්ෂයේ ලේකම් ධුරයට නව පුද්ගලයෙකු පත් කෙරෙනු ඇතිබවද එම පක්ෂය පවසයි.
