ශ්රී ලංකා පොදුජන පෙරමුණේ මහනුවර දිස්ත්රික් පාර්ලිමේන්තු මන්ත්රී ගුණතිලක රාජපක්ෂ මහතා ඊයේ (20) දිනයේදී තාවකාලික පැවිදි භාවය ලබා තිබේ.
ඒ්, ඉන්දියාවේ බරණැස, ඉසිපතනාරාම මූල ගන්ධකුටි විහාරස්ථානයේදී ය.
ඉසිපතනාරාමයේ මූල ගන්ධකුටි විහාරාධිපති රත්මලේ සුමිත් ආනන්ද හා දෙහිඅත්තකණ්ඩියේ පියනන්ද නායකහිමිවරුන්ගේ උපාධ්යායෙන් යුක්තව ආගමික වතාවත් අනුව ගුණතිලක රාජපක්ෂ මහතා ඊයේ පෙරවරුවේ හාරිස්පත්තුවේ ධම්මරතන නමින් පැවිදි භාවයට ඇතුළත්වී තිබේ.
කැනඩාවේ පදිංචි, වෘත්තියෙන් ඉංජිනේරුවකු වන ගුණතිලක රාජපක්ෂ මහතාගේ පුත් සඳකැළුම් රාජපක්ෂ මහතාද පූජ්ය අම්පාරේ ධම්මාලෝක නමින් මෙම අවස්ථාවේදීම තාවකාලික පැවිදි භාවයට ඇතුළත් වීම ඇති බව සඳහන්.
ගුණතිලක රාජපක්ෂ මහතාගේ බිරිඳ මීට කෙටි කලකට පෙර අභාවප්රාප්ත වූ අතර පසුගියදා පැවැති මහනුවර දිස්ත්රික් සංවර්ධන කමිටු රැස්වීම අතරතුර හදිසියේ රෝගාතුර වූ ඒ මහතා රෝහල්ගත කිරීමටද සිදුවී තිබිණි.
RN
