සටහන – රෂිකා හෙන්නායක
පෙබරවාරි, 24 කොළඹ (LNW): කාලයක් දිගින් දිගටම පැවති අධික වර්ෂාවත් සමඟ ඇතිවූ ගංවතුර හේතුවෙන් ගැටලු රැසකට මුහුණ දුන් මාතර කුඩා තේවතු හිමියන් මේ වනවිට නියගය නිසා කබලෙන් ලිපට වැටී ඇති බව වාර්තා වේ.
ඔවුන් කියා සිටින්නේ, මාස හයක පමණ කාලයක් වර්ෂාව හා ගංවතුර හේතුවෙන් මෙම කුඩා තේවතු හිමියන්ට හා එම වතුවල දළු නෙළන පිරිසට ජීවනෝපාය අහිමිවී පැවතුණු අතර, ලවන බාධකය නිසා තමන්ට මෙම ගංවතුර තත්ත්වය පැවති බවයි.
නමුත් මේ වන විට දැඩි වියළි කාලගුණයක් පැවතීම හේතුවෙන් එය ද තේ කර්මාන්තයට මරු පහරක් වී ඇත.
දළු නෙලන්නන් හා කුඩා තේවතු හිමියන් කියා සිටින්නේ, අධික වියළි කාලගුණය හේතුවෙන් තේ අක්කරයකින් දළු කිලෝග්‍රෑම් 20ක් වත් කඩා ගැනීමට නොහැකි බවයි.
