සටහන – රෂිකා හෙන්නායක
පෙබරවාරි, 29 කොළඹ (LNW): අද (29) උදෑසන 8.50 ට පමණ ගල්කිස්ස ප්රදේශයේ පදිංචි වයස අවුරුදු 56 ක් වන ඇන්ටන් නැමැති එක්දරු පියෙක් මෙසේ ජීවිතක්ෂයට පත්වී ඇති බව පොලිසිය පවසයි.
දෙහිවල ගුවන් පාලම අසලදී ගල්කිස්ස සිට මට්ටක්කුලිය බලා ධාවනය වු බස් රථය ඉදිරියෙන් ගමන් කර සිටියදී පානදුර සිට පිටකොටුව දක්වා ධාවනය වු පුද්ගලික බසයක් පිටුපසින් ගමන් කර ඇති අතර එම බස් රථ දෙකට මැදිව ධාවනය වු ත්රි රෝද රථය බස් රථ දෙකේ ඉදිරියේ හා පසුපස ගැටී රිය අනතුරකට ලක් වී මෙම අනතුර සිදුවී ඇති බව දෙහිවල පොලිසිය කිය්ස්යි.
කුලී ත්රීරෝද රථය රියදුරෙකු ලෙස රැකියාව කරන මරණකරු ඔහුගේ බිරිඳ සමඟ නිවසින් පිටව රැකියා සදහා පැමිණ දෙහිවල මංසන්ධියන් සිය බිරිඳව ත්රීරෝද රථයෙන් බසවා පසුව ඉදිරියට ධාවනය කරමින් සිටින අවස්ථාවේ දී මෙම මාරක රිය අනතුර සිදුවී ඇති බව පොලිසිය පැවසීය.
මෙහිදී, දෙහිවල මංසන්ධියේ දී රාජකාරියේ යෙදී සිටි පොලිස් නිලධාරීන් සහ අවට පිරිස එක්ව අනතුරට පත් ත්රීරෝද රථ රියදුරු හැකි ඉක්මණින් කලුබෝවිල ශික්ෂණ රෝහලට ඇතුලත් කිරීමට කටයුතු කර ඇත.
අනතුරට පත් රියදුරු රෝහලට ඇතුළත් කිරිමෙන් පසු මියගොස් ඇති අතර රෝහල් ආරංචි මාර්ග පවසන්නේ මරණකරුගේ මොලයට සහ බෙල්ල පිටුපසට සිදුවී ඇති දැඩි හානිය හේතුවෙන් ත්රීරෝද රථ රියදුරු ජීවිතක්ෂයට පත්වී ඇති බවයි.
පානදුර පිටකොටුව බස්රථය, පිටුපසින් පැමිණ ත්රීරෝද රථයේ ගැටීම හේතුවෙන් එහි රියදුරු වන මඩකලපුව ප්රදේශයේ පදිංචි වයස අවුරුදු 48 ක් වන ලෝගේශවරම් නැමැති සැකකරු දෙහිවල පොලිසිය විසින් අත්අඩංගුවට ගෙන ඇති බව දෙහිවල පොලිසිය පවසයි.
