ASK

කෑමවේලකට,ටකරමකට,සිමෙන්ති කොට්ටයකට,බඩු මල්ලකට රු.5000කට ඔබේ දරුවාගේ අනාගතය විනාශ කිරීමට ඉඩ නොදෙන ලෙස මේ මොහොතේ ජන්දදායකයන්ට මතක් කරන බව පැෆ්රල් සංවිධානයේ විධායක අධ්‍යක්ෂ රෝහණ හෙට්ටිආරච්චි මහතා පැවසුවේය.

2018 දී බලය ලබාගෙන කෝට්ටේ මහ නගර සභාව තුළ පැවති දූෂණ අක්‍රමිකතාවලට තිත තැබූ පරිද්දෙන් ඉදිරි වසර පහ තුළත් විශිෂ්ට සේවයක් ලබාදීමට බලාපොරොත්තු වන බව පාර්ලිමේන්තු මන්ත්‍රී මධුර විතානගේ මහතා පවසයි.

කොළඹ මහ නගර සභාවට එක්සත් ජාතික පක්ෂය අලියා ලකුණින් ඉදිරිපත් වන නමුත් එම කණ්ඩායමේ රජය සහය දක්වන පක්ෂ කිහිපයක නියෝජිතයින් සිටින බව ජාතික ආරක්ෂාව පිළිබඳ ජනාධිපති ජ්‍යෙෂ්ඨ උපදේශක සහ ජනාධිපති කාර්ය මණ්ඩල ප්‍රධානී සාගල රත්නායක මහතා පැවසුවේය.

විදුලි බිල වැඩි කිරීම සම්බන්ධයෙන් මහජන උපයෝගීතා කොමිසම විසින් ගත් සාමූහික තීරණය මේ වන විට වෙනස් වී තිබෙන අතර තමන් නොමැතිව සෙසු සාමාජිකයින් තිදෙනා ජනධිපතිවරයා මුණගැසීමෙන් අනතුරුව එම වෙනස සිදුව ඇති බව සභාපති ජනක රත්නායක මහතා පවසයි.

ප්‍රචණ්ඩත්වයෙන් තොර සාධාරණ,සාමකාමී,නිදහස් මැතිවරයක් බලාපොරොත්තු වන බව අමාත්‍ය බන්දුල ගුණවර්ධන මහතා පවසයි.