ASK

පසුගිය 09 වැනිදා රට තුළ ඇති වූ ප්‍රචණ්ඩකාරී සිදුවීමවලට අදාළව අත්අඩංගුවට ගෙන තිබෙන පුද්ගලයින් අතරින් බහුතරය ජනතා විමුක්ති පෙරමුණේ සාමාජිකයින් නොවන බව ද (23) පොලිස්පතිවරයා හා ජ්‍යෙෂ්ඨ නියෝජ්‍ය පොලිස්පතිවරු කිහිප දෙනෙක් සමඟ පැවති සාකච්ජාවේදී තහවුරු වූ බව පාර්ලිමේන්තු මන්ත්‍රී විජිත හේරත් මහතා සඳහන් කළේය.

හිටපු මහ බැංකු අධිපති අජිත් නිවාඩ් කබ්රාල් මහතාට එරෙහිව පනවා තිබෙන විදෙස් ගමන තහනම ලබන මස 25 වැනිදා දක්වා කොළඹ මහේස්ත්‍රාත් අධිකරණය විසින් දීර්ඝ කර තිබේ.

කොළඹ අපරාධ කොට්ඨාසයට ලද තොරතුරකට අනුව සිදුකළ මෙහෙයුමකදී ගෘහස්ත ගෑස් සිලින්ඩරයක් රු. 9260කට අලෙවි කළ තැනැත්තෙකු කොළොන්නාව වැල්ලම්පිටිය ප්‍රදේශයේදී අත්අඩංගුවට ගෙන තිබේ.

හෙට (22) දිනයේදී රට පුර පෙට්‍රල් සහ ඩීසල් වැටලීමක් සිදුකිරීමට පොලීසිය කටයුතු යොදා තිබේ.

අන්තර් උසස් ජාතික ඩිප්ලෝමා ශිෂ්‍ය බල මණ්ඩලය විසින් කොළඹදි අද (21) පවත්වන ලද විරෝධතාවයට පොලීසිය ජල හා කදුලු ගෑස් ප්‍රහාරයක් එල්ල කර තිබේ.