UN

රටේම ජනතාව පාරට බැස ඉල්ලන්නේ කුමක්දැයි ආණ්ඩුව මෙන්ම විපක්ෂයද නිවැරදිව අවබෝධ කරගෙන නොමැති බව පොදුජන පෙරමුණේ පොළොන්නරුව දිස්ත්‍රික් පාර්ලිමේන්තු මන්ත්‍රී රොෂාන් රණසිංහ මහතා පවසනවා. අද පාර්ලිමේන්තු විවාදයට සහභාගිවෙමින් ඔහු මේ බව සඳහන් කළේය.

වාහන සඳහා ඉන්ධන ලබාදීමේදී සීමා පැනවීමට තීරණය කර තිබෙනවා. ඛනිජ තෙල් නීතිගත සංස්ථාව මේ බව නිවේදනය කරයි.

කොළඹ නගරයේ ස්ථාපිත කොට ඇති ස්ථිර මාර්ග බාධක ඉවත් කිරීම සඳහා පොලිස්පතිවරයා ඇතුළු අදාල අංශ වෙත නියෝගයක් නිකුත් කරන්නැයි ඉල්ලා ශ්‍රේෂ්ඨාධිකරණය හමුවේ මූලික අයිතිවාසිකම් පෙත්සමක් ගොනුකර තිබෙනවා.

ශ්‍රී ලංකා මහ බැංකුව අද නිකුත් කර විනිමය අනුපාතිකයට අනුව ඇමරිකානු ඩොලයක වටිනාකම රුපියල් 369.99 ක් දක්වා ඉහළ ගොස් තිබෙනවා. ඩොලරයක විකුණුම් අගය එලෙස පවතිද්දී මිලදී ගැනීමේ වටිනාකම රුපියල් 356.83 ක් දක්වා ඉහළ ගොස් තිබේ.

මේ අතර හර්තාල් ව්‍යාපාරයට සහාය පළ කරමින් ධාවනයෙන් ඉවත්වීමට පෞද්ගලික බස් රථ සංගම් තීරණය කර තිබෙනවා. ගුරු-විදුහල්පති වෘත්තීය සමිතිද වර්ජනයට එක්වන බැවින් පාසල් ළමුන් ප්‍රවාහන සේවාද ක්‍රියාත්මක නොවන බවයි වාර්තා වන්නේ.