ආසියානු කුසලාන තරගාවලිය ආරම්භයේදි වාසි සහගත තත්ත්වයන් පැවතියේ පන්දු යවන්නන්ට වාසි වන අන්දමටය.නමුත් තරගාවලිය ඉදිරියට යද්දී ක්‍රීඩා කරන තණතීරුවල වෙනස්වීමක් නිසා හෝ පිතිකරුවන් ඊට අවශ්‍යය පරදි හැඩ ගැසීම නිසා මේ වන විට තරගය බේරා ගන්නට නම් කණ්ඩායමක් විශාල ලකුණු ප්‍රමාණයක් ලබා ගැනීම අනිවාර්ය කාර්යක් වි ඇත.විශේෂයෙන් ශ්‍රී ලංකාව බංගලාදේශයට සහ ඇෆ්ගනිස්තානයට එරෙහිව ශමා යමින් ලැබූ ජයග්‍රහණ මාවතේම යමින් ඊයේ ඉන්දියාව ලබා ගත් ලකුණු 181 ඉක්මවා යමින් පකිස්තානය කඩුලු පහක ජයක් ලබා ගත්තේය.
ඉතිහායේ දිවා රාත්‍රී තරගයක කාසියේ වාසිය මූලිකවම ජයග්‍රහණයට බලපාන බව පිළි ගත්තේය.ඒ රාත්‍රියේදී පන්දුවට පහරදීම අසීරුය යන විශ්වාසයටය.මේ තත්ත්වය වෙනස් කරන විශාල අවධානයක් ගත් සිඳුවීමක් වන්නේ 1996 ලෝක කුසලාන අවසාන තරගයය.අර්ජුන ඉම්රාන් ඛාන් පවා පළමුව පන්දුවට පහර දෙන්න කියද්දී දෙවනුව පහර දීම තෝරා ගත්තේය.දිවා රාත්‍රී තරගයක දෙවන වර පහර දීමට විශාල වටිනාකමක් එකතු වූ හැරවුම් ලක්ෂයක් වූ මේ සිඳුවීමෙන් අනතුරුව අද වන විට දිවා තරගයක මෙන්ම තරගයේ ස්වභාවය සළකා මිස රැය ද දවාලද යන්න නොසළකා පන්දු රැකීම සහ පන්දුවට පහරදීම කියන තත්ත්වයට ක්‍රිකට් පරිනාමය වි ඇත.
ඉන්දියාවට එරෙහිව පකිස්තානය ද පන්දු රැකීම මුලින් කළ යුතු බව තීරණය කළේය.ඒ තීරණය ගැන පසුතැවීමක් ඇති කරමින් ඉන්දීය ආරම්භන පිතිකරු යුගලය රෝහිත් ෂර්මා සහ කේ.ඒ.රාහුල් මුල් පන්දුවාර කිහිපයේ විශාල ප්‍රහාරයක් දියත් කළ අතර හයව පන්දුවාරයේ ප්‍රථම පන්දුවට රෝහිත් ෂර්මා දැවි යන විට ලකුණු පූවරුව 54 ක් ව තිබිණ.ලකුණු 62 දී රාහුල් ද දැවි ගිය පසු පිතිකරුවන්ගේ ආධිපත්‍යය තමන් නතු කර ගන්නට ක්‍රමයෙන් පකිස්තානු පිතිකරුවන් උත්සාහ කළ අතර එයට එරෙහිව හුදෙකලා සටනක යෙදෙමින් විරාට් කෝල් පන්දු 44 න් ලකුණු 60 ක් ලබා ගනිමින් ඉන්දිය ඉණිම ලකුණු 181 දක්වා ගෙන එන්නට සමත් විය.කෝලිගේ ලකුණු 60 ට පසු ෂර්මා සහ රාහුල් ලකුණු 28 බැඟින් ලබා ගැනීම හැරෙන්නට වෙනත් ඉහළ ලකුණු ගණනක් වාර්තා නොවීය.
පන්දු යැවීමේදී පකිස්තානු දඟ පන්දු යවන්නන් අතරින් සදාබ් ඛාන් ලකුණු 31 ට කඩුලු 2 ක් දවා ගත් අතර ඉතා හොඳ ඉලක්කයකට පන්දු යැවූ මොහොමඩ් නවාස් සිය පන්දු ඕවර් 4 නිමා කළේ ලකුනු 25 ට එක් කඩුල්ලක් දවා ගනිමින්ය.නසීම් ෂා,මොහොමඩ් හස්නේන් සහ හාරිස් රවුෆ් අතරේ ද එක් කඩුල්ල බැඟීන් බෙදි ගියේය.
පිළිතුරු ඉණිමට පිවිසි පකිස්තානයට නායක බාබර් අසාම්ගේ කඩුල්ල අහිමි වන්නේ ලකුණු පූවරුව ෆකාර් සමාන් ගේ කඩුල්ල දැවි යන විට පකිස්තානු ලකුණු පූවරුව රැඳී තිබුණේ ලකුණු හැටතුනේ ය.අනතුරුව නොසැලි සිටි ආරම්භක පිතිකරු මොහොමඩ් රිස්වාන් සමඟ එක් වූ මොහොමඩ් නවාස් ඉලක්කයට පන්දුව යැවූ අයුරෙන්ම පකිස්තානය ඉලක්කය කරා රැඟෙන යන්නට පදනම් වූ ප්‍රවේගකාරී ලකුණු 42 ක් එක් කළේ පන්දු 20 ට මුහුණ දෙමින්ය.ඒ නිසාම තරඟයේ වීරයා වන්නට ද ඔහුට හැකි වූ අතර පන්දු රැකිමේදි ආබාධයකට ලක්ව සිටියදී ද,ඉකා දිරිමත් ඉණිමක් දියත් කළ මොහොමඩ් රිස්වාන් සිය ආරම්භක පිතිකරුවාගේ වගකීම්සහගත භූමිකාව නිමා කළේ තරඟයේ 17 වන පන්දු ඕවරයේ පස්වන පන්දුවේදී ය.
ඒ වන විට රිස්වාන් නමින් පන්දු 51 දි ලකුණු 71 ක් එකතු වී තිබිණි.මුළු ලකුණු පූවරුව 147 ක් පමණක් විය.පන්දු 19 දී ලකුණු 34 ක් ලබා ගැනීමට තිබිණ.එම ලකුණු ප්‍රමාණයෙන් ලකුනු 16 ක් ලබා ගන්නට අසීෆ් අලීට වැය වුයේ පන්දු 8 ක් පමණි.ඒ තරගයේ අවසාන භාගයේ හැරවුම් ලක්ෂය වූ අතර විසිවන ඕවරයේ හතරවන පන්දුවේදි අසීෆ් දැවි යන විට ලකුණු පූවරුව 180 ක් විය.පැමිණ මුහුණ දුන් පළමු පන්දුවෙන්ම ලකුණු 2 ක් ලබා ගත් ඉෆ්තිකාර් අහමඩ් ජයග්‍රහණය පකිස්තානය බව සනාත කරද්දී ඉන්දිය පන්දු යවන්නන් අතරින් රවී බිෂ්නෝයි පන්දු ඒවර් 4 ලකුණු 26 ට නිමා කරමින් එක් කඩුල්ලක් දවා ගෙන සිටියේය.බුවනේෂ් කුමාර්,හාර්ඩික් පාන්ඩයා,යුසෙවෙන්ද්‍ර චහාල් සහ අර්ශ්දීප් සිංග් ද එක් කඩුල්ල බැඟින් දවා ගෙන සිටියේය.
බංගලාදේශයට සහ ඇෆ්ගනිස්ථානයට එරෙහිව ඉතා ඉහළ මට්ටමේ හඹා යාම් දෙකක් සිඳු කරමින් ජයග්‍රාහී මානසික මට්ටමක සිටින ශ්‍රී ලංකාවට හෙට (සැප්තැම්බර් 6) පකිස්තානය ඉදිරියේ සිඳු වූ පරාජයෙන් තැති ගෙන සිටින ඉන්දියාව හමුවෙද්දි මානසිකව හොඳින් සිටින්නේ ශ්‍රී ලංකාවය.නමුත් වඩාත් වෘත්තියමය මට්ටමෙන් එම අවස්ථාව කියවා ගන්නා ජයග්‍රාහකයා වනු ඇත.ක්‍රිකට්මය වශයෙන් ආනන්දනීය තරගයක් දීමට හෙට තරගයේදී දෙපිළේම දක්ෂතා ඉහළින් මතුවීම කණ්ඩායම් දෙකට නොබිදි,පොදු ක්‍රිකට් ප්‍රේක්ෂකාගාරයේ අපෙක්ෂාවය.
ඡායාරූපයේ සිටින්නේ පකිස්තාන ජයග්‍රහණය සනාත කළ මොහොමඩ් රිස්වාන් (දකුණේ) සහ මොහොමඩ් නවාස් ය.
RM
Category: පුවත්
-
ආසියානු කුසලානය පිතිකරුවන්ගේ පැත්තට බර වෙයි
-
නව ගෙවීම් ක්‍රමවේදය හේතුවෙන් ඉන්ධන පිරවුම්හල් 400 ක් අක්‍රිය වෙයි !
ඛනිජ තෙල් නීතිගත සංස්ථාව මගින් ඉන්ධන පිරවුම්හල් වෙත ඉන්ධන නිකුත් කිරීමේදී හඳුන්වා දී ඇති නව ක්‍රමවේදය හේතුවෙන් දෛනිකව ඉන්ධන පිරවුම්හල් 400 කට වැඩි ප්‍රමාණයක් වැසී යන බව ඉන්ධන පිරවුම්හල් හිමියන්ගේ සංගමය පවසනවා.
නව ක්‍රමවේදය අනුව ඉන්ධන ලබා ගැනීමට නම් ඊට පෙර දින රාත්‍රී 9.30 ට පෙර ඉන්ධන පිරවුම්හල් හිමියන් විසින් අදාල මුදල් ගෙවා දැමිය යුතුය. එම කාලසීමාවට පෙර මුදල් ගෙවීමට අසමත් වුවහොත් පසුදින එම ඉන්ධන හල් හිමියන් වෙත ඉන්ධන නිකුත් කරනු නොලැබේ.
ඉන්ධන පිරවුම්හල් වෙත ප්‍රමාණවත් පරිදි ඉන්ධන නිකුත් නොකරන බැවින් එකවර විශාල මුදලක් රැස්කර ගැනීමට නොහැකි බව ඉන්ධන පිරවුම්හල් හිමියන්ගේ සංගමය පවසනවා. එමනිසා නව ක්‍රමවේදය අනුව ඉන්ධන ලබා ගැනීමට පෙර සියලු මුදල් ගෙවීම බොහෝ පිරවුම්හල් හිමියන්ට දුෂ්කර කටයුත්තක් බවද එම සංගමය පෙන්වා දෙනවා.
UN
-
300 ට පාන් කන්න සුද්දෝ එයිද මෙහේ ? 70 ට බිත්තරේ කන්න මෙහේ එයිද උන් ? – ලාල්කාන්ත
මේ රටේ සමාජය අවුල් වී ඇති බැවින් මෙරටට විදේශිකයින් නොපැමිණෙන බව ජනතා විමුක්ති පෙරමුණේ දේශපාලන බලමණ්ඩල සභික කේ. ඩී. ලාල්කාන්ත මහතා පවසයි.
“සමාජය අස්ථාවර තැනකට විදේශිකයො යන්නෙ නෑ. බෙහෙතකට හොයාගන්න අමාරු තත්වයක් තියෙන්නෙ, එන්නෙ නෑ. ඇයි එන්නෙ නැත්තෙ ? අපේ රටේ සමාජය කැළඹිලා. සමාජය අවුල්. ඊයෙ බිත්තරේ ගාණ නෙවෙයි අද. මුදලාලිටත් බිත්තරේ ගාණ මතක නෑ. මුදලාලිත් අර බිල අරගෙන තමයි බිත්තරේ කීයද කියලා කියන්නෙ. පාන් රාත්තල කීයද දැන් ? 300 යි. සුද්දො එයිද 300ට පාන් කන්න මෙහෙ ? යනවානෙ යකෝ මාලදිවයිනේ. මෙහෙ එන්නෙ මොකටද ? රුපියල් 65 – 70 ට බිත්තරයක් කන්න මෙහෙ එන්න ඕනෙද උන් ? ඉතින් අනිත් ඒවාත් ගණං. කාමර ගාස්තු ගණං. ඔක්කොම ගණං. නැතුව කරගෙන යන්න බෑ. ත්‍රීවීල් එකේ ගාණ වැඩියි. ඉතින් උන් දන්නවා. ඒ කියන්නෙ සමාජය අස්ථාවරයි”
කේ. ඩී. ලාල්කාන්ත මහතා මේ බව පැවසුවේ ජාතික ජන බලවේගයේ සමුළුවක් අමතමිනි.
RN
-
රට ගොඩගන්න නම් පාර්ලිමේන්තුවේ 175 දෙනෙකුගේවත් සහයෝගය ජනපතිට අවශ්‍යයයි – වජිර
ජනාධිපති රනිල් වික්‍රමසිංහ මහතා රට ගොඩගැනීම සඳහා සියලුම දෙනාගේ සහයෝගය අවශ්‍ය බව දිගින් දිගටම ප්‍රකාශ කර ඇති බව එක්සත් ජාතික පක්ෂ සභාපති, පාර්ලිමේන්තු මන්ත්‍රී වජිර අබේවර්ධන මහතා පවසයි.
“රනිල් වික්‍රමසිංහ මැතිතුමා ජාතියේ භාරකාරත්වය භාර අරගෙන තිබෙනවා. එහෙනම් ඒ සඳහා සියලු දෙනාගේ සහයෝගය එතුමා දිගින් දිගටම ඉල්ලනවා. මේ රට වැටුණු තැනින් ගොඩගන්න නම් අඩුම ගාණේ පාර්ලිමේන්තුවේ 175 දෙනෙකුගේවත් සහයෝගය අවශ්‍ය බව එතුමා දිගින් දිගටම ප්‍රකාශ කරලා තිබෙනවා. ගැලපෙන – නොගැලපෙන සියලුම දේශපාලන පක්ෂ එකතු කරගැනීම සඳහා ජාතික වැඩසටහනකට එකමුතු කරගැනීම තමයි කරගෙන යන්නෙ. එවැනි දෙයක් උදේ බලලා හැන්දෑවෙ පටන් ගන්න බෑ”
වජිර අබේවර්ධන මහතා මේ බව පැවසුවේ ඊයේ (04) පැවති එක්සත් ජාතික පක්ෂයේ මාධ්‍ය හමුවක් අමතමිනි.
RN
-
ප්‍රඥාසම්පන්න නායකයෙක් බිහිකරගන්න බැරිවීමට අපි වගකියන්න ඕනෑ – කාබනික රතන හිමි
රටට අවශ්‍ය ප්‍රඥාසම්පන්න දේශපාලන නායකත්වය බිහිකර ගැනීමට තමන්ට නොහැකි වුණු බවත් එහි වගකීම තමන් භාරගත යුතු බවත් උ.ල. සන්ධානයේ අනුශාසක අතුරලියේ රතන හිමි පවසයි.
“අපේ ප්‍රශ්නය දැන් කියන්නෙ ඩොලර් අර්බුදයක් කියලා. මේක ඩොලර් අර්බුදයක් නෙවෙයි. මේක තනි පවුලක්, තනි පුද්ගලයො හත් අට දෙනෙක් බොල් පිළිමවලට අපි වැඳ වැඳ ඒ වන්දනා කරපු යුගය අපි විසින්ම අද අවසන් කළ යුතුව තිබෙනවා. මේ තරම් දැන උගත් මිනිස්සු ඉන්න රටක, මේ තරම් ශීලාචාර මිනිස්සු ඉන්න රටක, අපට අවශ්‍ය ප්‍රඥාසම්පන්න දේශපාලන නායකත්වය අපට බිහිකරගන්න බැරිවුණා. ඒකට අපි වගකියන්න ඕනෙ. අන්න ඒ වගකීම වෙනුවෙන් තමයි, ඒ වරද හදන්න තමයි අපි අද මේ සභාගය බිහිකළේ”
අතුරලියේ රතන හිමි මේ බව පැවසුවේ විමල් වීරවංශ මහතාගේ නායකත්වයෙන් යුත් උ.ල. සන්ධානය බිහිකිරීමේ අවස්ථාවට ඊයේ (04) එක්වෙමිනි.
රට බරපතළ අර්බුදයකට තල්ලු කරමින් පසුගිය ගෝඨාභය රාජපක්ෂ රජය විසින් ක්‍රියාත්මක කළ රසායනික පොහොර තහනමට මූලික වූයේත් මේ රතන හිමියන් මය.
RN
-
රාජපක්ෂලා ඔවුන්ගේ පවුලේ න්‍යායපත්‍රය ඉදිරියට අරන් අපේ සිහින පොඩිපට්ටම් කළා – ගම්මන්පිල
නායකයින් හෝ පවුල් රජ කරවන යුගය මෙතැනින් අවසන් කෙරෙන බව විමල් වීරවංශ මහතාගේ නායකත්වයෙන් යුත් උ.ල. සන්ධානයේ උපසභාපති උදය ගම්මන්පිල මහතා පවසයි.
“2019 ලක්ෂ 69ක මහා ජනවරමක් භාරදුන්නා. අපේ වචන විශ්වාස කරපු මිනිස්සුන්ගෙ සිහින සැබෑ කරන ආණ්ඩුවක් හැදුවා කියලා අපි හිතුවා. නමුත් මිත්‍රවරුනි, ජනතා න්‍යායපත්‍රය පැත්තකට දාලා පවුලේ න්‍යායපත්‍ර ඉදිරියට අරගෙන ඇවිල්ලා ඔබේත් අපේත් සිහින බලාපොරොත්තු සියල්ල මේ නායකයින් පොඩිපට්ටම් කරලා දැම්මා. නැග්ග බස් එක වැරදුණා. අපි බස් එකෙන් බැස්සා. ඒත් අපේ ගමන අපි යනවා කියන එක අපි බය නැතුව ප්‍රකාශ කරනවා. නායකයො රජ කරපු යුගය ඉවරයි, පවුල් රජ කරපු යුගය ඉවරයි, ජනතාව රජ කරවන යුගයයි අද අපි ආරම්භ කරන්නෙ කියන එක අපි අද සමස්ත ජාතියටම සිහිපත් කරනවා”
උදය ගම්මන්පිල මහතා මේ බව පැවසුවේ විමල් වීරවංශ මහතාගේ නායකත්වයෙන් යුත් නව දේශපාලන සන්ධානයක් බිහිකිරීමේ උත්සව අවස්ථාව ඊයේ (04) අමතමිනි.
RN
-
සමස්ත ඇමති මණ්ඩලය 75ක් ?
මේ සතියේදී පත් කෙරෙන සමස්ත අමාත්‍ය මණ්ඩලය 75 දෙනෙකුගෙන් සමන්විත වනු ඇති බව අභ්‍යන්තර ආරංචිමාර්ග පවසයි.
ඒ, කැබිනට් අමාත්‍යවරුන් 40 දෙනෙකු සහ රාජ්‍ය අමාත්‍යවරුන් 35 දෙනෙකු වශයෙනි.
දැනට සිටින කැබිනට් ඇමතිවරුන් 18 දෙනාම නව කැබිනට් මණ්ඩලයේ 40 අතරට ඇතුළත් වනු ඇති බවත් ආරංචිමාර්ග සඳහන් කළේය.
RN
-
IMF ගිවිසුම ලස්සනට කොළේ වහලා ගහලා. කිසිකෙනෙක් දන්නෑ ! – හර්ෂ
ජාත්‍යන්තර මූල්‍ය අරමුදලත් සමග රජය අත්සන් කළ ගිවිසුම වහාම ජනතාවට හෙළිදරව් කළයුතු බව සමගි ජන බලවේගයේ පාර්ලිමේන්තු මන්ත්‍රී, රාජ්‍ය මුදල් කාරක සභාවේ සභාපති හර්ෂ ද සිල්වා මහතා පවසයි.
“රජය ජාත්‍යන්තර මූල්‍ය අරමුදලත් සමග මාණ්ඩලික එකඟතා ගිවිසුමකට අත්සන් කරලා තියෙනවා. තවම අපි දන්නෙ නෑ මේ එකඟතාවය මොකක්ද කියලා. බොහෝම සන්තෝෂයට පත්වෙලා ඉන්නවා රජයේ පාර්ශ්වයන් IMF එකත් මාණ්ඩලික එකඟතාවයකට එන්න ඔවුන්ට හැකිවුණා කියලා. ඒත් මොකක්ද මේක ඇතුළෙ තියෙන්න කියන එක පිළිබඳව තවම ජනතාවට කිසිම අවබෝධයක් නැහැ.
මේ ගෝඨාභය රාජපක්ෂත් රාජපක්ෂලාගෙ ආණ්ඩුත් එකතුවෙලා කරපු ආර්ථික විනාශය නිසා අපි මෙතනට වැටිලා ඉන්නවා. පළවෙනි පාරට IMF එකෙන් කියලා තියෙනවා, මුළු ලෝකෙම කියනවා ඔහෙලා පල් හොරු, මේ රටේ මිනිස්සුන්ගෙ සල්ලි ඔහෙලා හොරකම් කරලා කියලා. මොකක්ද කියන්නෙ ? දූෂණය නවත්වන්න මොකක්ද ගන්න වැඩපිළිවෙල ? අලුත් නීති ගේන්න වෙයි. හොරකම් කරපු මිනිස්සුන්ට දඬුවම් දෙන්න වෙයි. හැබැයි දඬුවම් දෙන්න පුළුවන්ද රනිල් වික්‍රමසිංහ ජනාධිපතිවරයාට ? ඒක තමයි අපි කිව්වෙ කොහාගෙයි කපුටාගෙයි කතාව. දඬුවම් දෙන්න රනිල් වික්‍රමසිංහ ලෑස්ති වුණොත් කාක්කො ටික ඉන්න දෙයිද ? දැන් මේක ජාත්‍යන්තරයට ගිහිල්ලා IMF එකේ කොන්දේසියක් වෙලා. මේකෙ කියන්නෙ පිටරටවල්වල හංගලා තියෙනවා නම් ඒවා නැවත ගේන්න කියලා. එහෙම නැතුව මල්මාලා දාලා පිළි අරගෙන මේක කරන්න බෑ.
මෙතන මට පේන්නෙ නියම කොළේ වහලා ගැහිල්ලක් ගහලා තියෙනවා ලස්සනට. කිසිකෙනෙක් දන්නෑ. ජනාධිපතිවරයා දන්නවා, කැබිනට් එක දන්නවා. මොකද පාර්ලිමේන්තුවේ මේක සම්මත කරගෙන නෑ. අඟහරුවාදාට මේක ඉදිරිපත් කළේ නැත්නම් රාජ්‍ය මුදල් කාරකසභාවේ සභාපතිවරයා ලෙස මම තීරණ වගයක් ගන්නවා, මං ඒක දැන් මෙතන කියන්න සූදානම් නෑ. නමුත් මට වගකීමක් තියෙනවා මේ රටේ මිනිස්සු වෙනුවෙන්”
ආචාර්ය හර්ෂ ද සිල්වා මහතා මේ බව පැවසුවේ ඊයේ (04) පැවති සමගි ජන බලවේගයේ මාධ්‍ය හමුවක් අමතමිනි.
RN
-
මේ රටේ අරගලවලින් නායකයො හදන්න බෑ – නාමල් රාජපක්ෂ (VIDEO)
ප්‍රචණ්ඩත්වයෙන්, අරගලවලින් හෝ කැරලිවලින් මේ රටේ නායකයින් බිහි කළ නොහැකි බව හිටපු අමාත්‍ය නාමල් රාජපක්ෂ මහතා පවසයි.
“අපි සියලු දෙනාම ප්‍රජාතන්ත්‍රවාදයෙන් ආණ්ඩු වෙනස් කරන්න, ආණ්ඩු පිහිටුවන්න විශ්වාස කරන දේශපාලන පක්ෂ. මේ රටේ නායකයො හදන්න බෑ ප්‍රචණ්ඩත්වයෙන්. එහෙම නැත්නම් අරගලවලින්. එහෙම නැත්නම් කැරලිවලින්. කැරලිවලින් රටට අත්වෙන්නෙ විනාශයක් කියන එක පහුගිය කාලේ ඔප්පු කරලා පෙන්නුවා. නැගෙනහිර ඔබ දශක ගණනාවක් ඒක අත්වින්දා. හැබැයි දකුණෙ සමහර තරුණයින්ට එහෙම අත්දැකීමක් නෑ. දැන් පහුගිය කාලෙ අපි දැක්කා ගෙවල් ගිනිතියලා, මිනිස්සු මරලා, මන්ත්‍රීවරු මරලා මේ රටේ ප්‍රජාතන්ත්‍රවාදය ස්ථාපිත කරන්න බෑ කියන එක. ඒ වගේම රටේ ආර්ථිකය හදන්න බෑ කියන එක. සමහරුන්ට පැය 13ක් විදුලිය නැති එක අරගලයක් වෙන්න පුළුවන්. හැබැයි මඩකළපුවෙ අපෙ අම්මා, තාත්තා, සහෝදර සහෝදරියො හැමදාමත් ජීවත් වෙන්න මහමුහුදත් එක්ක අරගල කරනවා. පිල්ලෙයාන් අමාත්‍යතුමාත්, මහින්ද රාජපක්ෂ මැතිතුමාත්, අපිත් උත්සාහ කරන්නෙ අන්න ඒ අරගලය ජයග්‍රහණය කරන්න පුළුවන් ප්‍රජාතන්ත්‍රවාදී ශක්තිමත් ආණ්ඩුවක් හදන්න”
නාමල් රාජපක්ෂ මහතා මේ බව පැවසුවේ ඊයේ (04) මඩකලපුවේදී පිල්ලෙයාන් මහතාගේ ප්‍රධානත්වයෙන් පැවති රැස්වීමක් අමතමිනි.
RN
-
පාන් පිටිවලට රත්තරං කුඩු දාලාද මෙහෙම මිල වැඩිවෙන්නේ ? – අසේල සම්පත් (VIDEO)
සීනිවලටත් එහා ගිය මාෆියාවක් මේ වනවිට පාන් පිටි වෙළඳාම තුළ ක්‍රියාත්මක වන බවත් වහාම රජය මැදිහත්ව මෙම ප්‍රශ්නයට විසඳුම් ලබාදිය යුතු බවත් මහජන අයිතීන් සුරැකීමේ ව්‍යාපාරයේ කැඳවුම්කරු අසේල සම්පත් මහතා පවසයි.
“මේ වෙලාවේ පාන් පිටි මිල පාලනය කරන්න ඕනෙ. මාෆියාකාරයින්ට ඉඩදීලා හිටියොත් වෙන්නෙ රටේ මිනිස්සු කුසගින්නේ ඉන්න එක. අද චූන් පාන් වාහනයක් හොයන්න නෑ. අද හෝටල්වල එළවලු රොටියක්, පේස්ට්‍රියක්, පරාටයක්, බිත්තර රොටියක්, මේ කිසිදෙයක් දාන්න විදියක් නෑ. ඇයි ? පාන් පිටිවල ප්‍රමිතිය නෑ. වෙනදා පාන් පිටි එන්නෙ සීතල රටවලින්.
දැන් ඉන්දියාවෙන් ගේන එකත් නැවැත්තුවා, මොකද ඉන්දියාවෙ අතිරික්තයක් තිබිලා ඒක තමයි මෙහෙ ගෙනල්ලා, ගබඩා කරලා, රුපියල් 200ට තිබුණ එක 260 වුණා, 300 වුණා, 310 වුණා, දැන් අද 400 – 414 වුණා. මේ එකම ගෙනාපු පාන් පිටි ටික ලෝඩ් කර කර විකුණනවා. අතරමැදියො ගාණ කපනවා, අහිංසක මිනිස්සු බඩගින්නෙ ! කර්මාන්ත කඩාවැටිලා. දැන් ගිහින් බලන්න බේකරි කීයක් වහලාද කියලා ? මේ පාන් පෙත්තක් අද සිට වෙනවා රුපියල් 30ක් මේ රුපියල් 300ට පාන් අලෙවි කරන්න ගියොත්. එහෙම අලෙවි කරන්න හේතුව පාන් පිටි කිලෝව රුපියල් 400 නිසා. මේ කළු කඩ මාෆියාව නිසා අහිංසක පාරිභෝගිකයා තමා සූරාකෑමට ලක්වෙන්නෙ. කරුණාකරලා රජය මේවාට මැදිහත්වෙන්න ඕනෙ. මේ සීනිවලට එහා මාෆියාවක් තමයි පාන් පිටිවලට ක්‍රියාත්මක වෙන්නෙ. හත්වලාමෙ පාන් පිටිවලට රත්තරං කුඩු දාලාද මේ ගාණට දවස ගාණෙ වැඩිවෙන්නෙ ?”
අසේල සම්පත් මහතා මේ බව පැවසුවේ ඊයේ (04) පැවති මාධ්‍ය හමුවක් අමතමිනි.
RN