Tag: විදුලි ඉංජිනේරු සංගමය

මාධ්‍ය ඉදිරියේ වැරදි කතා නිලධාරීන් කැඳවා විදුලිය අය සම්බන්ධයෙන් පවතින ගැටලුව ගැන මහජන උපයෝගීතා කොමිසම විසින් සකාච්ජා කර විසඳුමකට පැමිණිය යුතු වන බව ලංකා විදුලි බල මණ්ඩලයේ විදුලි ඉංජිනේරු සංගමය පවසයි.

මේ වන විට සපුගස්කන්ද පිරිපහදුවේ නැප්තා ඉන්ධනය ලීටර මිලියන 10ක් සූදානම්ව පවතින නමුත් ලංකා විදුලි බල මණ්ඩලය වෙත නිදහස් කිරීමට කටයුතු කර ඇත්තේ ලීටර මිලියන 2.9ක වැනි ඉතා සුළු ප්‍රමානයක් බවත් එය සෑහෙන්නේ දින දෙක තුනකට බවත් ගල් අඟුරු නොමැති තත්ත්වයක නැප්තා හෝ නිදහස් නොකරන්නේ කුමන හේතුවකටද යන ප්‍රශ්නය මතුවන බව ලංකා විදුලි බල මණ්ඩලයේ විදුලි ඉංජිනේරු සංගමය පවසයි.

රට මුහුණ දී සිටින විදුලි බල ප්‍රශ්නය විසඳීමට වත්මන් විෂය භාර ඇමති කාංචන විජේසේකර ඇමතිවරයාට නොහැකි අතර ප්‍රශ්නය විසඳීමට නම් සාකච්ජා කිරීමට දන්නා සුනම්‍ය අමාත්‍යවරයෙක් පත්කරන ලෙස ජනාධිපතිවරයාගෙන් ඉල්ලා සිටින බව ලංකා විදුලි බල මණ්ඩලයේ විදුලි ඉංජිනේරු සංගමය පැවසුවේය.

ඉදිරියේදී පැය 08ක විදුලි කප්පාදුවේ අවදානම පහව ගොස් නැති අතර එම කාලය තවත් වැඩිවීමට වුවද හැකි බව විදුලි ඉංජිනේරු සංගමය අද (27) මාධ්‍ය වෙත අදහස් දක්වමින් පැවසුවේය.

නොරොච්චෝලේ ක්‍රියා විරහිත කර තිබෙන බලාගාරයේ කිසිදු දෝෂයක් නොමැති අතර පද්ධති පාලන අංශයේ දැනුම් දීමක් මත නතර කර තිබෙන බව ඒ පිළිබඳ බලාගාරයෙන් විමසීමේදී දැනගන්නට ලැබුණු බව විදුලි ඉංජිනේරු සංගමය පැවසුවේය.