Tag: SLFP

පවතින ආර්ථික දුෂ්කරතාවලට විරෝධය පළකරමින් පාර්ලිමේන්තු මන්ත්‍රීනි හිරුණිකා ප්‍රේමචන්ද්‍ර ඇතුළු සමඟි වනිතා පෙරමුණ අද (22) කොළඹ තර්ස්ටන් විද්‍යාලය අසල අග්‍රාමාත්‍ය රනිල් වික්‍රමසිංහ මහතාගේ පෞද්ගලික නිවසට ගිය අවස්ථාවේ එහි උණුසුම් තත්ත්වයක් ඇති විය.

ඔවුන් මව්වරුන් ලෙස මේ වන විට නිවසට දැනී තිබෙන ආර්ථික දුෂ්කරතාව අගමැතිවරයා වෙත දැනුම් දීමටයි ඔවුන් එලෙස ගොස් තිබුණේ.

එහෙත් ආක්ෂක හේතූන් මත විරෝධතාවට එක්ව සිටි කාන්තාවන් ඇතුළු පිරිස මාර්ග බාධක පෙරළාදමමින් ඉදිරියට පැමිණ තිබුණි.

මෙම හේතුවෙන් හයිලෙවල් මාර්ගයද අවහිර වීම නිසා එහි ගමනා ගමන කටයුතුවලටද බාධා එල්ල විය.

ASK

රාජපක්ෂවරු යටතේ මෙම ආණ්ඩුව භාර නොගැනීමට සමඟි ජන බලවේගය ලෙස ගත් තීන්දුව කොතෙක් නිවැරදිද යන්න දැන් මේ රටේ ජනතාවටත් වැටහී ඇතැයි විශ්වාස කරන බව සමඟි ජන බලවේගයේ පාර්ලිමේන්තු මන්ත්‍රී රාජිත සේනාරත්න මහතා පවසයි.

රට ගොඩ ගැනීම සඳහා රාජපක්ෂවරු සිටිනතාක් කල් ලෝක ආධාර නොලැබෙන බවයි මන්ත්‍රීවරයා සඳහන් කරන්නේ.

රාජපක්ෂවරු වැපිරූ මුස්ලිම් විරෝධය හේතුවෙන් සහනාධාර ලෙස මැදපෙරදිගින් එක් තෙල් කඳුලක් හෝ නොලැබෙන බව මන්ත්‍රීවරයා කියාසිටියි.

නමුත් හෙට හෝ නිවැරදි ලෙස සර්ව පාක්ෂික ආණ්ඩුවක් හදන්නේ නම් මැදපෙරදිගට කතා කොට පසුව ගෙවීමේ පදනමින් තෙල් ගෑස් ගෙන්වා ගැනීමේ හැකියාව පවතින බවයි හෙතෙම පවසන්නේ.

අවසානයේ එක් පුද්ගලයෙක් නිසා රටක් දුක්විඳින බව සේනාරත්න මහතා අවධාරණය කරයි.

ASK

පාර්ලිමේන්තු කටයුතු අද (21) සහ හෙට (22) යන දිනයන්හි පමණක් පැවැත්වීමට තීරණය කර තිබේ.

අද රැස්වූ පාර්ලිමේන්තු කටයුතු කාරක සභාව එම තීරණය ගෙන තිබෙන අතර ඊට හේතුව වී ඇත්තේ මතුව තිබෙන ඉන්ධන අර්බුදයයි.

ඒ අනුව හෙට දිනයෙන් පසු පාර්ලිමේන්තුවට කැඳවීම දින නියමයක් නොමැතිව කල් තබා ඇති අතර යළි එය කැඳවන දිනය පසුව දැනුම් දීමටයි තීරණය වී ඇත්තේ.

ASK

පෞද්ගලික බස් රථ සඳහා ලංකා ගමනාගමන මණ්ඩලයේ ඩිපෝ හරහා ඩීසල් ලබාදෙන බවට අමාත්‍යවරයා පැවසුවද එය ඉටුවන්නේ අතලොස්සක් ඩිපෝවලින් පමණක් වන අතර ඇමතිවරයාගේ ප්‍රකාශය නිසා සාමාන්‍ය ඉන්ධන පිරවුම්හල් වෙතින් බස් රථ සඳහා ඩීසල් නොලැබෙන තත්ත්වයක් උද්ගතව ඇතැයි අංජන ප්‍රියන්ජිත් මහතා පවසයි.

දැනට ඩීසල් ලබාදෙන ඩිපෝ ද එය නිකුත් කරන්නේ පස්වරු 06.00 වෙනතෙක් පමණක් වන අතර පෞද්ගලික බස් රථ සඳහා සැලකිල්ල දක්වන්නේ මෙවැනි තත්ත්වයක් තුළ නම් අමාත්‍යවරයාට දැනෙන පාඩමක් ඉගැන්වීමට පසුබට නොවන බවයි ඔහු සඳහන් කරන්නේ.

ඉදිරි දින කිහිපය තුළ ඩිසල් ලබා ගැනීමට නිසි වැඩපිළිවෙලක් යොදන්නේ නැත්නම් සමස්ත බස් කර්මාන්තයෙන්ම ඉවත් වී අමාත්‍යවරයාට මෙන්ම අසමත් ආණ්ඩුවටද පාඩමක් උගන්වන බව ප්‍රියන්ජිත් මහතා අවධාරණය කරයි.

ASK

මෙරටට පැමිණීමට නියමිත ඩීසල් සහ පෙට්‍රල් නෞකා දෙක එළඹෙන 23 වැනිදා දිවයිනට පැමිණිය හොත් පවතින ඉන්ධන අර්බුදයට විසඳුම් ලැබෙනු ඇතැයි ලංකා ඛණිජ තෙල් පෞද්ගලික ටැංකි රථ හිමියන්ගේ සංගමයේ සභාපති ශාන්ත සිල්වා මහතා අද (21) මාධ්‍ය වෙත අදහස් දක්වමින් පැවසුවේය.

ඒ අනුව එම නව්දෙක පැමිණිය හොත් ඉන්ධන බෙදා හැරීම යථාතත්ත්වයට පත්කර ගත හැකි වනු ඇති බවයි සිල්වා මහතා සඳහන් කළේ.

මෙම මේ සතිය ආරම්භ වන විට ටැංකි රථ 100ක් 150ක් පමණ ධාවන වීම සිදු වූ බවත් ඩීසල් බෙදා හැරීම ආරම්භ වීම නිසා ටැංකි රථ 200ක් 250ක් අතර ප්‍රමාණයක් ධාවනයට එක්ව තිබෙන බව සිල්වා මහතා කියා සිටියේය.

කෙසේවෙතත් 23 වැනිදා වන විට ඉන්ධන නැව් පැමිණීම සිදුවුවහොත් දිනකට ටැංකි රථ 350ක් 400ක් ධාවනය ආරම්භ වී එම බෙදා හරිම කටයුතු සාමාන්‍ය දිනයක සිදුවන ආකාරයට කටයුතු සිදුවනු ඇති බවට ඔහු විශ්වාසය පළකරන ලදී.

මෙහිදී ඇනවුම් කර තිබෙන ඉන්ධන ලැබුණොත් සතියක පමණ කාලයක් තුළ දිගු පෝලිම් ක්‍රමය නැති කළ හැකි බවත් එය සිදුකිරීමට නම් නිසි කළමනාකාරීත්වයකින් එය සිදුකළ යුතුව ඇති බවයි සිල්වා මහතා පැවසුවේ.

ASK

පසුගිය දිනවල ඉන්ධන පෝලිම්වල සිටි ජනතාවට පොලිස් නිලධාරීන්ගෙන් එල්ල වූ පහර දීම් ඇතුළු පීඩාවන්ට විරෝධය පළකරමින් ඒ සම්බන්ධයෙන් නිසි මැදිහත්වීමක් කර අදාළ නිලධාරීන්ට එරෙහිව විනය ක්‍රියාමර්ග ගන්නා ලෙස ඉල්ලමින් සමඟි ජන බලවේගයේ පාර්ලිමේන්තු මන්ත්‍රී මුජිබර් රහුමාන් මහතා ඇතුළු කිහිප දෙනෙක් අද (20) පොලිස් මුලස්ථානය වෙත පැමිණ පැමිණිල්ලක් ඉදිරිපත් කළේය.

පොලීසිය කටයුතු කළ යුත්තේ ජනතාවට ආරක්ෂා කිරීමට වුවත් ඇතැම් නිලධාරීන් පාලකයන් ආරක්ෂා කිරීමට කටයුතු කරමින් සිටින බව පෙනෙන්නට ඇති බවයි මන්ත්‍රීවරයා මාධ්‍ය වෙත අදහස් දක්වමින් පැවසුවේ.

ආණ්ඩුවේ වුවමනාව මත ජනතාව මර්දනය කිරීමේ වැඩපිළිවෙලක් ක්‍රියාත්මක බව රහුමාන් මහතා සඳහන් කළේය.

ඒ අනුව පොලීසියේ රාජකාරියට පිටින් ගොස් ආණ්ඩුවේ වුවමනාවන් ඉටුකරන පොලිස් නිලධාරීන් පිළිබඳව පරීක්ෂණයක් කරන ලෙස පොලිස්පතිවරයාගෙන් ඉල්ලීමක් කළ බවද රහුමාන් මහතා කියා සිටියේය.

ASK