මිරිහාන ජුබිලි කණුව ප්‍රදේශයේ දේශීය කිරිපිටි අලෙවිසැල ඉදිරිපිට යළිත් කිරිපිටි පෝලිම් ඇතිව තිබේ. ඒ, පොලීසිය විසින් ලබාදුන් නියෝගද නොතකායි.
මීට පෙර මිරිහාන පොලීසිය අදාල අලෙවිසැලේ හිමිකරුවාට දැනුම් දී තිබුණේ පෝලිම් වෙනුවට අංක ක්‍රමය හෝ වෙනත් සුදුසුක ක්‍රියාමාර්ගයන් අනුගමනය කරන ලෙසයි. ජනාධිපති ගෝඨාභය රාජපක්ෂ මහතාගේ උපදෙස් පරිදි මෙම දැනුම් දීම සිදුකර තිබිණි.
කෙ‌සේ නමුත් වෙළඳපොලේ පවතින දැවැන්ත කිරිපිටි හිගය හේතුවෙන් පොලිස් නියෝගද නොතකා ජනතාව යළිත් පෝලිම්වල සිටිමින් කිරිපිටි මිලදී ගැනීමට උත්සාහ කරනවා.
UN
