අබුඩාබි යේ තෙල් සමාගමක් වන ADNOC හි ගබඩා කලාපයේ කාර්මික මුසෆා ප්‍රදේශයේ ඉන්ධන ටැංකි රැගත් ට්‍රක් රථ තුනක් පුපුරා ගොස් තිබේ.
මෙමඟින් අබුඩාබි ජාත්‍යන්තර ගුවන්තොටුපළේ ඉදිකිරීම ස්ථානයක ගින්නක් හට ගෙන ඇති බවට එරට පොලීසිය පවසයි.
සුන්බුන් අතර, කුඩා ගුවන්යානයක කොටස් හමුව ඇති අතර, මෙය ඩ්‍රෝන යාත්‍රාවක කොටස් විය හැකි බවත්, මෙම පිපිරීම ඩ්‍රෝන යාත්‍රා මඟින් එල්ල කළ ප්‍රහාරයක ප්‍රතිඵල විය හැකි බවත් පොලීසිය වැඩිදුරටත් පවසයි.
මේ අතර, යෙමනයේ ඉරාන පිටුබලය ඇති බවට කියවෙන හූති සංවිධානය පවසන්නේ අද (17) දින තම සංවිධානය විසින් එක්සත් අරාබි එමීර් රාජ්‍යයට ප්‍රහාරයක් එල්ල කළ බවයි.
අදාළ ප්‍රහාරයෙන් සැලකිය යුතු හානියක් සිදුව නැති අතර, වැඩිදුර පරීක්ෂණ සිදුවන බවට විදෙස් මාධ්‍ය වාර්තා කරයි.
