ඉදිරි ජනාධිපතිවරණය ජයග්‍රහණය කළ හැකි අපේක්ෂකයකු ශ්‍රී ලංකා පොදුජන පෙරමුණෙන් ඉදිරිපත් කරන බව එම පක්ෂ නායක, හිටපු ජනාධිපති මහින්ද රාජපක්ෂ මහතා පවසයි.
ප්‍රශ්නය – මේක මැතිවරණ වසරක්. ශ්‍රී ලංකා පොදුජන පෙරමුණට මේ අභියෝගයට මුහුණ දෙන්න පුළුවන්ද ?
“පුළුවන්, පුළුවන්. කිසීම ප්‍රශ්නයක් නෑ”
ප්‍රශ්නය – ඉදිරි ජනාධිපතිවරණයේදී ශ්‍රී ලංකා පොදුජන පෙරමුණෙන් මොනවගේ නායකයෙක්ද ඉදිරිපත් කරන්නෙ ?
“දිනන්න පුළුවන් නායකයෙක් ඉදිරිපත් කරනවා”
ප්‍රශ්නය – එක්සත් ජාතික පක්ෂය නම් කියන්නෙ මේ රට සම්පූර්ණයෙන්ම විනාශ කරපු අයට නැවත බලය යන්නෙ නෑ, එක්සත් ජාතික පක්ෂය තීරණාත්මක වෙනවා කියලා. ඔබතුමා මොකක්ද කියන්නෙ ?
“එක්සත් ජාතික පක්ෂයේ හැමදාම කයිවාරුව විතරයිනෙ, වැඩ නෑනෙ …”
ප්‍රශ්නය – මේ ජනතාව බොහෝම අසීරුතාවයෙන් ඉන්නේ මේ වැට් බද්දත් එක්ක …?
“ඔව්, ඒක අපිත් පිළිගන්නවා. අපටත් අමාරුයි”
ප්‍රශ්නය – ඔබතුමාලා ජනාධිපතිතුමාව දැනුවත් කරන්නෙ නැද්ද මේ සම්බන්ධව ?
“කණ්ඩායම් රැස්වීම්වලදී දැනුවත් වෙනවා”
මහින්ද රාජපක්ෂ මහතා මේ බව පැවසුවේ ඊයේ (17) කළුතරදී පැවති ශ්‍රී ලංකා පොදුජන පෙරමුණේ වැඩසටහනකින් අනතුරුව මාධ්‍ය වෙත අදහස් දක්වමිනි.
RN
