මැදමුලනේ තේ කඩයක් කරන ආකාරයෙන් හෝ පිරමිඩ් ව්‍යාපාරයක් කරන ආකරයෙන් හෝ පිටකොටුව පේමන්ට් එකේ ව්‍යාපාරයක් කරන ආකාරයෙන් රටක් පාලනය කළ නොහැකි අතර එය කෙටි කාලීන,මැදි කාලීන සහ දීර්ඝ කාලීන සාකච්ජාවකින් කළ යුත්තක් බව සමඟි ජන බලවේගයේ පාර්ලිමේන්තු මන්ත්‍රී එස්.එම්.මරික්කාර් මහතා පැවසුවේය.
ඒ, අද (03) විපක්ෂ නායක කාර්යාලයේදී පැවති මාධ්‍ය හමුවේදීය.
රට නන්නත්තාර වීමට ඉඩහැර ඒ මතින් බලයට ඒමේ කිසිදු අරමුණක් නැති හෙයින් රට ගොඩනැගීමට යම් පියවරක් ගන්නේ නම් විපක්ෂය ලෙස එයට සහය දීමට සූදානම් බවයි මන්ත්‍රීවරයා කියාසිටියේ.
ඉන්ධන ආශ්‍රිත නිෂ්පාදන මිලදී ගැනීම සඳහා ඊයේ දින ඉන්දියාවෙන් ඩොලර් මිලියන 500ක් ලැබීම ගැන ඇතැම් මාධ්‍ය උලුප්පා පළකලද මේවා ජයග්‍රහණ නොවන බවත් එය දුප්පත්කමේ ලක්ෂණ බව හෙතෙම අවධාරණය කළේය.
ඒ අනුව දැන් සිදුවන්නේ එදා වේල කෙසේ හෝ සම්පූර්ණ කරගෙන යමක් බවද මන්ත්‍රීවරයා පෙන්වාදුන්නේය.
පවතින තත්ත්වය අනුව සගතයයි,කරුවලයි,බඩගින්නයි,පීඩනයයි සියල්ල මාර්තු වෙන විට ජනතාව කර පැමිණෙන බවයි ඔහු සඳහන් කළේ.
ASK