කොළඹ LNW: කොටහේන, බෙනඩික්ට් මාවතේදී අද (10) දින පස්වරුවේ සිදුවූ වෙඩි තැබීමකින් පුද්ගලයෙක් ජීවිතක්ෂයට පත්ව තිබේ.
වෙඩිතැබීමෙන් තුවාල ලැබූ පුද්ගලයා රෝහල් ගත කිරීමනේ පසු ජීවිතක්ෂයට පත්ව තිබෙන අතර එලෙස ජීවිතක්ෂයට පත්ව ඇත්තේ ජම්පටාවීදිය ප්‍රදේශයේ පදිංචිව සිටි 43 හැවිරිදි පිරිමි පුද්ගලයෙකි.
එම වෙඩිතැබීම සඳහා T-56 වර්ගයේ ගිනිඅවියක් භාවිතා කර ඇති බව පොලීසිය පවසයි.
වෙඩිතැබීම සිදුකළ කණ්ඩායම සොයා මේ වනවිට පොලිස් කණ්ඩායම් 04ක් ඔස්සේ විමර්ශන ආරම්භ කර ඇති බවයි පොලීසිය සඳහන් කරන්නේ.
පසුගිය දින කිහිපය තුළ දිවයිනේ විවිධ ප්‍රදේශවලින් මෙලෙස ඝාතන කිරීම් වාර්තා වූ ආකරයක් දක්නට ලැබුණි.
ආශිකා බ්‍රාහ්මණ
