කොවිඩ් මෘත දේහ කළමනාකරණය යටතේ රට තුළ සිදුවන සියලුම මරණ සඳහා PCR පරීක්ෂාව අනිවාර්ය නොවන බවට සෞඛ්‍ය සේවා අධ්‍යක්ෂ ජනරාල්වරයා විසින් ඊයේ (15) නව චක්‍රලේඛයක් නිකුත් කර තිබෙන අතර අවශ්‍ය නම් අධිකරණ විශේෂඥ වෛද්‍යවරයාගේ අභිමතය පරිදි මෘත දේහය සඳහා PCR පරීක්ෂණය පැවැත්වීම සිදුකළ හැකි බව ජාතික කොවිඩ් මෘත දේහ කළමනාකරණ කමිටුවේ සභාපති,නැගෙනහිර කොළඹ මූලික රෝහලේ සහ අංගොඩ බෝවන රෝග විද්‍යායතනයේ විශේෂඥ අධිකරණ වෛද්‍ය චන්න පෙරේරා මහතා අද (16) මාධ්‍ය වෙත පැවසුවේය.
ඒ අනුව ඊයේ දින සිට සියලුමමෘත දේහවලට PCR පරීක්ෂණ සිදු නොකරන බවයි අධිකරණ විශේෂඥ වෛද්‍යවරයා පැවසුවේ.
අදාළ විශේෂඥ අධිකරණ වෛද්‍යවරයා තීරණය කරන්නේ නම් පමණක් එම මෘත දේහ වලට PCR පරීක්ෂණයක් සිදුකරනු ඇති.
කොවිඩ් 19 වෛරසය ව්‍යාප්ත වූ මුල්කාලයේ සියලුම මෘත දේහ ආදාහනය කළ අතර පසුව වෛරසයේ හැසිරීම ගැන ලැබුණු දැනුම අනුව ආදාහනයට සහ භූමදානයට යන දෙක සඳහාම අවසර හිමිව තිබෙන බවත් ඉදිරියේදී මෙම මෘත දේහ කළමනාකරණය සඳහා ආදාහනය හා භූමදානය ගැන ලිහිල් ක්‍රමවේදයක් අනුගමනය කිරීමටද යෝජනා කර තිබෙන බව චන්න පෙරේරා මහතා සඳහන් කරන ලදී.
ASK
