*
Friday, April 12, 2024
spot_img

Latest Posts

දෙමළ ජනතාවගේ සැබෑ ප්‍රශ්න විසඳීම සඳහා අවබෝධතා ගිවිසුම් අවශ්‍ය නෑ – ජීවන් තොණ්ඩමන්

සටහන – රෂිකා හෙන්නායක

පෙබරවාරි, 26 කොළඹ (LNW): ඇතැම් දේශපාලන නායකයන්ට අනුව වතුකරයේ දෙමළ ජනතාව මුහුණ දෙන එකම ප්‍රශ්නය දෛනික වැටුප ලෙස රු.1500.00ක මුදලක් ලබා ගැනීම බවත්, තම ජනතාව එවැනි පහත් මට්ටමක තැබීමට අකැමති බවත් ආණ්ඩුවේ හෝ විපක්ෂය හෝ කවර කණ්ඩායමක් දේශපාලනික වශයෙන් කුමන ස්ථාවරයක් දැරූවද සුළු ජන කොට්ටාසයකගේ ගැටලු විසඳීමේදී දේශපාලනික වශයෙන් බෙදීම් නොපැවතිය යුතු බව ජල සම්පාදන හා වතු යටිතල පහසුකම් සංවර්ධන අමාත්‍ය ජීවන් තොණ්ඩමන් මහතා පවසයි.

ඇතැම් දේශපාලන පක්ෂ කඳුරට දෙමළ ජනතාවගේ ප්‍රශ්න විසඳීමට යැයි පවසමින් අවබෝධතා ගිවිසුම් අත්සන් කළ ද ජනතාවගේ සැබෑ ප්‍රශ්න විසඳීම සඳහා අවබෝධතා ගිවිසුම් අවශ්‍ය නොවන බව ද අමාත්‍යවරයා සඳහන් කළා.

මෙම වසර තුළ ජල ගාස්තු වැඩි කිරීමක් සිදු කිරීමට අපේක්ෂා නොකරන බව පැවසූ අමාත්‍යවරයා යෝජිත ජල සූත්‍රය හඳුන්වාදීම ජනතාව පීඩාවට පත් නොකරන ආකාරයකට සිදු කරන බව ද ප්‍රකාශ කළා.

අමාත්‍ය ජීවන් තොණ්ඩමන් මහතා තව දුරටත් පැවසූවේ,

“මෙම වසර තුළ අප ජල ගාස්තු වැඩි කිරීමක් සිදු කිරීමට අපේක්ෂා කරන්නේ නැහැ. පසුගිය වසරේ අප හඳුන්වා දෙන බව ප්‍රකාශ කළ ජල ගාස්තු සූත්‍රය සකස් කිරීමේ කටයුතු මේ වන විට අවසන් වී පවතිනවා. නමුත් එම සකස් කරන ලද ජල සූත්‍රය පිළිබඳ අප තවදුරටත් අධ්‍යයනය කරමින් සිටිනවා. ජල සූත්‍රය මඟින් ජනතාවට අනවශ්‍ය බරක් පැටවීමට අප බලාපොරොත්තු වන්නේ නැහැ.
ඇතැම් දේශපාලන පක්ෂ එක්ව කඳුරට දෙමළ ජනතාවගේ ගැටලු විසඳීම සඳහා අවබෝධතා ගිවිසුම් පවා අත්සන් කර තිබෙනවා. කඳුරට දෙමළ ජනතාවගේ සැබෑ ප්‍රශ්න විසඳීමට අවබෝධතා ගිවිසුම් අවශ්‍ය වන්නේ නැහැ. කඳුරට දෙමළ ජනතාව දිගු කාලයක් මෙවැනි සන්දර්ශන දැක තිබෙනවා. දැන් අවශ්‍ය වන්නේ දෙන වචන ක්‍රියාවෙන් සිදු කර පෙන්වීමයි. අප කැපවී සිටින්නේ ඒ සඳහායි.

ඇතැම් දේශපාලන නායකයන්ට අනුව වතුකරයේ දෙමළ ජනතාව මුහුණ දෙන එකම ප්‍රශ්නය දෛනික වැටුප ලෙස රු.1500.00ක මුදලක් ලබා ගැනීමයි. මම මගේ ජනතාව එවැනි පහත් මට්ටමක තැබීමට කැමති නැහැ. ආණ්ඩුව හෝ විපක්ෂය හෝ කවර කණ්ඩායමක් දේශපාලනික වශයෙන් කුමන ස්ථාවරයක් දැරූවද සුළු ජන කොට්ටාසයකගේ ගැටලු විසඳීමේදී දේශපාලනික වශයෙන් බෙදීම් නොපැවතිය යුතු බව ජනාධිපති රනිල් වික්‍රමසිංහ මහතාගේ ස්ථාවරයයි. මගේ ස්ථාවරය ද එයයි. එම ප්‍රජාවගේ දියුණුව වෙනුවෙන් එක්ව කටයුතු කළ යුතුයි. ජනාධිපති රනිල් වික්‍රමසිංහ මහතා අවස්ථා කිහිපයකදී එලෙස එක්වන ලෙස ආරාධනා කළත් අවාසනාවකට මෙන් බොහෝ දෙනෙකු දේශපාලනික පටු සීමා තුළ කටයුතු කරමින් සිටිනවා.

2015 වසරේදී යෝජනාවී තිබුණේ නිවාස 14,000ක් ඉන්දීය ණය ආධාර යටතේ ද, නිවාස 10,000ක් ශ්‍රී ලංකා රජය මඟින්ද වන ලෙස කඳුරට දෙමළ ජනාතාව වෙනුවෙන් මුළු නිවාස 24,000ක් ඉදි කිරීමටයි. 2022 වසර වන විට පැවති කොවිඩ් – 19 වසංගතය සහ ආර්ථික අර්බුදය නිසා මෙම නිවාස ඉදිකිරීම සම්පූර්ණයෙන් ඇන හිටියා. ඒ වන විට ශ්‍රී ලංකා රජයෙන් ඉදිකර තිබුණේ නිවාස 1560ක් පමණයි. මෙම නව නිවාස 10,000 ව්‍යාපෘතිය ආරම්භ කිරීමට අපට හැකියාව ලැබුණේ, ඉන්දීය රජය පෙර ලබා දුන් නිවාස 4,000 ව්‍යාපෘතියෙහි වැඩ සම්පූර්ණයෙන් අවසන් කිරීමට හැකි වූ නිසයි. නිවාස පමණක් නොවෙයි මෙම ජනතාවට ඉඩම් අයිතිය ද ලබා දිය යුතුයි. කඳුකර දෙමළ ජනතාව දිගු කාලයක් පුරා පුළුල්ව පැතිරුණු ගැටලු රාශියකින් පීඩා විඳිනවා. ඔවුන්ගේ නිවාස ප්‍රශ්නය, ඉඩම් ප්‍රශ්නය, අධ්‍යාපනය, සෞඛ්‍ය ඇතුළු අනෙකුත් යටිතල පහසුකම් ලබාදීම ආදී මේ දක්වා නොවිසඳුණු ගැටලු රාශියක් ඔවුන්ට පවතිනවා. මෙම ගැටලු සඳහා තිරසර විසඳුම් ලබාදිය යුතු බව ජනාධිපති රනිල් වික්‍රමසිංහ මහතාගෙත් මාගේත් ස්ථාවරය බවට පත් වී තිබෙනවා. ඒ වෙනුවෙන් අප කටයුතු කරනවා.”

ජල සම්පාදන හා වතු යටිතල පහසුකම් සංවර්ධන අමාත්‍ය ජීවන් තොණ්ඩමන් මහතා මෙම අදහස් පළ කර සිටියේ “ස්ථාවර රටකට සැවොම එක් මඟකට” යන මැයෙන් අද (26) ජනාධිපති මාධ්‍ය කේන්ද්‍රයේ පැවති මාධ්‍ය හමුවට එක් වෙමිනි.

Latest Posts

spot_img

දේශපා

Don't Miss

Stay in touch

To be updated with all the latest news, offers and special announcements.

eskişehir escort sakarya escort sakarya escort bayan eskişehir escort bayan