ලංකා අයිඕසී සමාගම විසින් ඩීසල් ලීටරයක මිල රුපියල් 15කින් ඉහළ නංවා ඇති පසුබිමක් තුළ රජය බස් රථ සඳහා විශේෂ සහනාධාරයක් සැපයිය යුතුව ඇති බව සමස්ත ලංකා පෞද්ගලික බස් සමාගම් සම්මේලනයේ ප්රධාන ලේකම් අංජන ප්රියන්ජිත් මහතා පවසයි.
“රජය වහාම බස් රථවලට විශේෂ සහනාධාරයක් සැපයිය යුතුව තිබෙනවා. වෙනත් විකල්පයක් නැහැ බස් ගාස්තු සංශෝධනයකට යනවා මිස. නැවත වතාවක් බස් ගාස්තු වැඩි නොකොට ඩීසල් සහනාධාරයක් ලබාදෙන්න කියලා අපි රජයට වගකීමෙන් ඉල්ලීමක් කරනවා”
අංජන ප්රියන්ජිත් මහතා මේ බව පැවසුවේ ඊයේ (26) දිනයේදී මාධ්ය වෙත ප්රකාශයක් කරමිනි.
RN